وزیر اعظم شہباز شریف  نے کہا ہے کہ کا خیال ہے کہ پاکستان کرکٹ بورڈ(پی سی بی) کے موجودہ چیئرمین رمیز راجہ کو تبدیل کرنے کا وقت درست نہیں ہے۔

رپورٹ کے مطابق وزیر اعظم  شہبازشریف نے پی سی بی کے سابق چیئرمین خالد محمود سے ملاقات میں اشارہ دیا کہ اس وقت دیگر مسائل پر ان کی زیادہ توجہ کی ضرورت ہے۔

مختلف میڈیا رپورٹس میں کہا گیا تھا کہ نجم سیٹھی رمیز راجہ سے ذمہ داریاں سنبھالیں گے، کیونکہ سابق وزیراعظم عمران خان کو چند ماہ قبل قومی اسمبلی میں عدم اعتماد کا ووٹ ہارنے کے بعد ہٹادیا گیا تھا۔

 مسلم لیگ(ن) کے رکن رانا مشہود احمد خان نے  رمیز راجہ کی مدت ملازمت پر شکوک و شبہات کا اظہار کرتے ہوئے کہا تھا کہ چیئرمین پی سی بی کو جلد ان کے عہدے سے ہٹا دیا جائے گا۔

رانا مشہود نے کہا تھا کہ رمیز راجہ کہتے ہیں کہ وہ اخلاقی طور پر بہت مضبوط ہیں اور اخلاقیات یہ بتاتی ہیں کہ حکومت بدلتے ہی انہیں استعفیٰ دے دینا چاہیے تھا۔

انہوں نے کہا کہ میں آنے والے دنوں میں اس کا مستقبل نہیں دیکھ رہا ہوں، مجھے یقین ہے کہ جب حالات بہتر ہوں گے تو پی سی بی کا نیا چیئرمین ان کی جگہ لے گا ۔

واضح رہے کہ رمیز راجہ پاکستان کرکٹ بورڈ کے 36ویں چیئرمین کے طور پر متفقہ اور بلا مقابلہ منتخب ہوئے تھے جس کا اعلان گزشتہ سال 13 ستمبر میں کیا گیا تھا۔