حمزہ شہباز نے کہا کہ فیٹف کی گرے لسٹ سے وائٹ لسٹ میں جانے کیلئے مثبت پیش رفت پاکستان کی جیت ہے
وزیراعلیٰ پنجاب حمزہ شہباز شریف سے وزیر مملکت برائے امور خارجہ حنا ربانی کھر نے وزیر اعلی آفس میں ملاقات کی جس میں باہمی دلچسپی کے امور اور فیٹف کی گرے لسٹ سے نکلنے کیلئے ہونے والی پیشرفت پر تبادلہ خیال کیا گیا۔
حمزہ شہباز نے فیٹف کی گرے لسٹ سے نکلنے کیلئے پاکستان کی مثبت پیش رفت پر حنا ربانی کھر اور پوری ٹیم کی کاوشوں کو سراہا۔
وزیراعلیٰ پنجاب حمزہ شہباز شریف نے کہا کہ فیٹف کی گرے لسٹ سے وائٹ لسٹ میں جانے کیلئے مثبت پیش رفت پاکستان کی جیت ہے اور امید ہے کہ فیٹف ٹیم کے دورے کے بعد پاکستان وائٹ لسٹ میں واپس آجائے گا۔
ملاقات میں رکن قومی اسمبلی رضا ربانی کھر، صوبائی وزیر سید علی حیدر گیلانی، سردار اویس لغاری اور رکن پنجاب اسمبلی مخدوم سید عثمان محمود بھی اس موقع پر موجود تھے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
