قومی سلامتی کمیٹی کا ان کیمرا اجلاس طلب

ویب ڈیسک

22nd Jun, 2022. 09:33 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قومی سلامتی کمیٹی کا ان کیمرا اجلاس طلب

حکومت کی جانب سے قومی سلامتی کمیٹی کا ان کیمرا اجلاس طلب کرلیا گیا ہے۔

اجلاس کے دوران عسکری قیادت کی جانب سے پارلیمان کو قومی سلامتی کے تمام معاملات پر اعتماد میں لیا جائے گا۔

قومی سلامتی کمیٹی اجلاس کے ایجنڈے میں واضح ہے کہ اس اہم اجلاس میں پاکستان کو درپیش قومی سلامتی چیلنجز پر بات کی جائیگی۔

اسکے علاوہ تحریک طالبان پاکستان کے ساتھ افغان طالبان کے ذریعے ہونے والی بات چیت پر عسکری قیادت کی جانب سے پارلیمان کو اعتماد میں لیا جائے گا جس کا پیپلز پارٹی کی قیادت کی طرف سے مطالبہ بھی سامنے آیا تھا۔

اس اہم اجلاس کے ذریعے قومی سلامتی کے درپیش چیلنجز سے نمٹنے کی حکمت عملی کو پارلیمان کی مشاورت سے آگے بڑھایا جائے گا ۔

خیال رہے کہ قومی سلامتی کمیٹی اجلاس کے انعقاد کے لیے قومی اسمبلی کا ہال مختص کرنے کی تحریک دو روز قبل ایوان نے منظور کی تو حکومت کی طرف سے ایوان کو بتایا گیا کہ اس اہم اجلاس میں آرمی چیف جنرل قمر جاوید باجوہ اور ڈی جی آئی ایس آئی پارلیمان کو بریفنگ دیں گے۔