سندھ ہائی کورٹ نے جوڈیشل مجسٹریٹ کا حکم نامہ معطل کرتے ہوئے ڈاکٹرعامر لیاقت کا پوسٹ مارٹم روک دیا۔

تفصیلات کے مطابق سندھ ہائی کورٹ میں معروف اینکرڈاکٹرعامر لیاقت کا پوسٹ مارٹم روکنے سے متعلق ان کے بچوں کی درخواست پر سماعت کی۔

سماعت کے دوران وکیل نے جوڈیشل مجسٹریٹ کا حکم نامہ پڑھ کر سنایا جس پرعدالت نے پوچھا کہ جوڈیشل مجسٹریٹ نے ورثا کا مؤقف سنا تھا؟

وکیل درخواست گزار نے جواب دیا کہ زبانی سنا گیا تھا اعتراضات کو اپنے حکم کا حصہ بنایا گیا۔

سماعت کے دوران ورثہ کے وکیل نے مختلف قانونی نکات کا حوالہ دیا اور عدالت کو بتایا کہ تدفین سے پہلے بھی جوڈیشل مجسٹریٹ نے لاش کا جائزہ لیا۔

سندھ ہائی کورٹ کے دو رکنی بنیچ نے عامرلیاقت کے بچوں کی درخواست پرسماعت کی۔

میڈیکل بورڈ نے 23 جون کو عامر لیاقت کی قبر کشائی کے بعد پوسٹ مارٹم کرنا تھا۔

واضح رہے کہ ڈاکٹرعامرلیاقت کی قبرکشائی کے بعد پوسٹ مارٹم کے معاملے پران کی فیملی نے سندھ ہائی کورٹ سے رجوع کیا تھا۔

درخواست عامر لیاقت مرحوم کے صاحبزادے اوران کی بیٹی کی جانب سے دائرکی گئی تھی جس میں عدالت سےعامرلیاقت کا پوسٹ مارٹم روکنے کی استدعا کی گئی۔

سندھ ہائی ہائی کورٹ نے ڈاکٹر عامر لیاقت کے اہلِ خانہ کی فوری سماعت کی استدعا منظورکرنے کے بعد سماعت آج ہی مقررکی تھی۔

میڈیا سے گفتگو کرتے ہوئے ضیا اعوان ایڈووکیٹ نے کہا کہ عدالت نے درخواست کی مزید سماعت 29 جون تک ملتوی کردی ہے عدالت نے تمام فریقین کو نوٹس جاری کردیے ہیں۔

انھوں نے میڈیا کو بتایا کہ عامرلیاقت کی موت کا ڈپریشن سے ہوئی ہے۔ فیملی کی جانب سے ڈپریشن دینے والوں کے خلاف عدالت سے رجوع کریں گے۔ (دانیا شاہ) فیملی کی جانب سے ایف آئی اے اور دیگر کے خلاف کارروائی کی جائے گی۔