مونس الٰہی کے ناقابلِ ضمانت وارنٹ گرفتاری جاری
بنکنگ جرائم عدالت لاہورنے منی لانڈرنگ کیس میں مونس الٰہی کی 4 جولائی تک عبوری ضمانت منظورکر لی۔
تفصیلات کے مطابق منی لانڈرنگ کیس میں عدالت نے ایف آئی اے کو مونس الٰہی کی گرفتاری سے روک دیا۔
بنکنگ جرائم عدالت نے آئندہ سماعت پر ایف آئی اے سے ریکارڈ اور رپورٹ طلب کر لی۔
بینکنگ جرائم عدالت کے جج اسلم گوندل نے مونس الٰہی کی درخواست پر سماعت کی جس میں ان کے وکیل امجد پرویز ایڈووکیٹ نے درخواست میں مؤقف پیش کیا کہ محمد خان بھٹی کی اسی کیس میں عبوری ضمانت ہو چکی ہے۔
وکیل مونس الٰہی نے مؤقف بیان کیا کہ مونس الہی بھی اسی کیس میں نامزد ہیں اوران کی جانب سے یہ پہلی درخواست ضمانت ہے۔
Advertisement
ایڈووکیٹ امجد پرویز نے مؤقف پیش کیا کہ ایف آئی اے نے 24 ارب روپے کی منی لانڈرنگ کا الزام لگایا ہے۔ نیب اسی معاملے پرپہلے ہی تحقیقات مکمل کرنے کے بعد کلین چٹ دے چکا ہے۔
وکیل مونس الٰہی نے عدالت سے استدعا کی کہ مقدمہ میں شامل تفتیش ہونے کیلئے عبوری ضمانت منظورکی جائے۔
منی لانڈرنگ کیس میں چوہدری مونس الٰہی نے عبوری ضمانت امجد پرویز ایڈووکیٹ کی وساطت سے عبوری ضمانت کی درخواست دائر کی جسے عدالت نے چار جولائی تک منظور کرلیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
