بینکوں میں ڈالرز ختم ہونے کی افواہوں پر اسٹیٹ بینک آف پاکستان کا بیان سامنے آگیا۔

اسٹیٹ بینک نے سماجی رابطے کی ویب سائٹ ٹوئٹر پر جاری بیان میں کہا کہ اس وقت 8.9 ارب ڈالر کے نقد زر مبادلہ کے ذخائر فوری استعمال کیلئے موجود ہیں۔

1/3 #SBP has noticed certain rumors implying that SBP Reserves have dried up or are not usable, that SBP has stopped import payments, and that banks have run out of US$.

— SBP (@StateBank_Pak) June 21, 2022

اسٹیٹ بینک کے مطابق 8.9 ارب ڈالر کے نقد زرمبادلہ کے ذخائر میں سونے کے ذخائر شامل نہیں، زرمبادلہ کے ذخائر ختم ہونے یا  قابل استعمال نہ ہونےکی افواہوں کا نوٹس لیا ہے۔

2/3 It is clarified that as of 10th June 2022, #SBP liquid foreign reserves stood at $8.99 billion. These do not include gold reserves, and are fully usable for all purposes.

— SBP (@StateBank_Pak) June 21, 2022

اسٹیٹ بینک کا کہنا ہے کہ درآمدات کی ادائیگی اور بینکوں سےڈالرختم ہونےکی افواہوں کا بھی نوٹس لیا گیا ہے۔

اسٹیٹ بینک نے مزید کہا کہ درآمدی ادائیگیاں نہیں روکی گئیں، کمرشل بینکوں کے پاس نقد ادائیگیوں کیلئے کافی مقدار میں ڈالرز موجود ہیں۔

اسٹیٹ بینک کے مطابق جون میں اب تک انٹربینک سے 4.7 ارب ڈالر کی درآمدی ادائیگیاں کی گئی ہیں۔