توشہ خانہ ریفرنس کیس میں مریم نوازنے عدالت سے درخواست پرایک بار پھر التوا مانگ لیا۔ 

تفصیلات کے مطابق احتساب عدالت اسلام آباد میں مسلم لیگ کی نائب صدر مریم نواز کی توشہ خانہ ریفرنس میں دائر درخواست پر سماعت ہوئی۔

نیب پراسیکیوٹر وسیم جاوید، مریم نواز کے وکیل قاضی مصباح عدالت کے روبرو پیش ہوئے۔

وکیل مریم نوازنے درخواست میں مؤقف اختیار کیا کہ نیب کا نیا قانون آج یا کل آ رہا ہے۔ امید ہے کہ ایک دو دنوں میں نیب کا نیا قانون آ جائے گا۔

مصباح قاضی وکیل مریم نواز نے استدعا کی کہ نیب کا نیا قانون آنے تک سماعت ملتوی کر دی جائے جس پراحتساب عدالت کے جج نے کہا کہ جب گزٹ کاپی آ جائے گی پھراس درخواست کو دیکھیں گے۔

احتساب عدالت کے جج اصغرعلی نے درخواست پرسماعت 17اگست تک ملتوی کر دی۔

دوسری جانب احتساب عدالت اسلام آباد میں توشہ خانہ ریفرنس میں نواز شریف کی جائیداد ضبطگی پراعتراضات سے متعلق کیس کی بھی سماعت ہوئی۔

میاں نوازشریف کی جائیداد ضبطگی کیس کی سماعت احتساب عدالت کے جج سید اصغر علی نے کی۔

۔کیس کی سماعت نئے نیب قوانین کے باعث ملتوی کردی گئی۔

احتساب عدالت نے کیس کی سماعت 25 اگست تک ملتوی کردی۔

احتساب عدالت اسلام آباد نے بے نظیرانکم سپورٹ پروگرام ریفرنس کے معاملے میں فرزانہ راجہ اور دیگر کے خلاف 540 ملین کی مبینہ خردبرد کے ریفرنس کی سماعت 15 اگست تک ملتوی کردی۔

وکیل صفائی نے عدالت سے استدعا کی کہ نئے نیب قوانین میں ترمیم کی روشنی میں دلائل کیلئے مہلت درکار ہے۔