کرکٹ آسٹریلیا (سی اے) بگ بیش لیگ (بی بی ایل) میں ٹیم کی قیادت کرنے کے لیے ڈیوڈ وارنر کے نام پرغورکررہا ہے۔

تفصیلات کے مطابق سی اے نے2018 میں بال ٹیمپرنگ کے الزام میں 35 سالہ کھلاڑی پرپابندی عائد کردی تھی۔ ڈیوڈ وانرنے یہ جرم کیپ ٹاؤن میں جنوبی افریقہ کے خلاف کھیلے گئے تیسرے ٹیسٹ میچ کے دوران کیا تھا۔

جس کے بعدآسٹریلیا کی کرکٹنگ باڈی نے ان پر ایک سال تک کسی بھی قسم کے کھیل اورٹیم کی قیادت کرنے پرپابندی عائد کردی تھی۔

آج کی جانے والی پریس کانفرنس میں ڈیوڈ وارنرنے بی بی ایل میں ٹیم کی قیادت کرنے میں دلچسپی ظاہر کی ہے، ان کا بیان اس خبر کے بعد سامنے آیا ہے جس میں کرکٹ آسٹریلیا کے حکام نے مذکورہ کھلاڑی پرعائد پابندی ہٹانے کا ندیہ دیاتھا۔

بال ٹیمپرنگ کے الزام میں وارنر سمیت اوپننگ بلے بازکیمرون بینکرافٹ پر9 ماہ اورکپتان اسٹیواسمتھ پر 12 ماہ کی پابندی عائد کی تھی۔

اس کے علاوہ اس وقت کے نائب کپتان ڈیوڈ وارنرکو مستقبل میں ٹیم کی قیادت کرنے پر بھی پابندی لگائی گئی تھی۔

یاد رہے کہ گزشتہ چندماہ سے سی اے ڈومیسٹک ٹی ٹوئنٹی لیگ میں دلچسپی بحال کرنے کے لیے سخت محنت کررہا ہے۔

اوراس تناظرمیں گزشتہ روزہونے والے گورننگ باڈی اجلاس میں 2022-23 کے سیزن کے لیے ایک اوورسیز پلیئرڈرافٹ کی طویل منصوبہ بندی کی توثیق کی گئی، تاکہ بی بی ایل کے لیے ٹی ٹوئنٹی کے سب سے بڑے کھلاڑیوں کو ملک میں کھیلنے کی ترغیب دی جاسکے۔

مزید برآں، جنوبی افریقہ کے خلاف ون ڈے سیریزکے میچزشیڈول کیے جائیں گے تاکہ وہ بی بی ایل کے میچزشروع ہونے سے پہلے مکمل کر لیے جائیں۔