ہر مشکل کے بعد آسانی ہے دو سے تین ماہ میں حالات بہتر ہونگے، وزیراعظم

ویب ڈیسک

27th Jun, 2022. 10:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہر مشکل کے بعد آسانی ہے دو سے تین ماہ میں حالات بہتر ہونگے، وزیراعظم

وزیراعظم نے کہا ہے کہ ہر مشکل کے بعد آسانی ہے دو سے تین ماہ میں حالات بہتر ہونگے۔

وزیراعظم شہباز شریف نے حکومتی و اتحادی اراکین قومی اسمبلی کے اعزاز میں عشائیہ کا اہتمام کیا جس میں وزیراعظم نے اراکین کو ان کی حلقوں کے مسائل حل کرنے کی یقین دہانی کروائی۔

وزیراعظم نے اراکین کی حاضری کا روزانہ کی بنیاد پر ریکارڈ رکھنے کی بھی ہدایت کردی۔

شہباز شریف نے عشائیے سے خطاب کرتے ہوئے کہا کہ مشکل وقت ہے مہنگائی بہت زیادہ ہے مجھے عوام کی مشکلات کا احساس ہے۔

وزیراعظم نے کہا کہ تباہ حال معشیت ملی ، آئی ایم ایف سے معاہدے کی خلاف ورزی کی گئی اور مصنوعی اعدادوشمار سے معاشی ترقی دکھائی گئی۔

شہباز شریف کا کہنا تھا کہ حالات کو یہاں تک پہنچانے کا ذمہ دار عمران نیازی ہے، دو راستے تھے کہ سیاست بچاتے یا ریاست ہم نے ریاست کو ترجیح دی

ان کا یہ بھی کہنا تھا کہ بجٹ میں عوام کو وسائل کے مطابق ریلیف دینے کی کوشش کی، ہر مشکل کے بعد آسانی ہے دو سے تین ماہ میں حالات بہتر ہونگے۔

وزیراعظم شہباز شریف کا مزید کہنا تھا کہ اتحادیوں سے مل کر ملک کو مشکلات سے نکالیں گے۔