تیل و گیس کے شعبے سے اچھی خبر سامنے آگئی، ماڑی پیٹرولیم کمپنی نے ملک میں تیل و گیس کے نئے ذخائر دریافت کر لیے۔

ماڑی پیٹرولیم کمپنی کی جانب سے جاری کردہ بیان کے مطابق شمالی وزیر ستان بنوں ویسٹ بلاک میں تیل و گیس کی دریافت شدہ ذخائر میں مزید اضافہ ریکارڈ کیا گیا ہے، گیس کے ذخائر 25 ایم ایم سی ایف ڈی سے بڑھ کر 50 ایم ایم سی ایف ڈی ہوگئے ہیں۔

ترجمان ماڑی پٹرولیم کا کہنا ہے کہ کنویں سے 300  بیرل یومیہ تیل بھی دریافت ہوا، ماڑی پٹرولیم شراکت داروں کے ساتھ ملکر دریافت کو  پیداوار میں لانے کا منصوبہ بنا رہا ہے۔

 ترجمان ماڑی پٹرولیم کا مزید کہنا ہے کہ کمپنی سوئی نادرن گیس پائپ لائنز لمیٹڈ کے ساتھ بھی ملکر کام کر رہی ہے، سوئی نادرن کنویں کو نیشنل گرڈ کے ساتھ منسلک کرے گی۔

واضح رہے اس سے قبل سندھ میں تیل اور گیس کے نئے ذخائر دریافت ہوئے تھے۔

تیل اور گیس کا نیا ذخیرہ ضلع ٹنڈوالہیار سے ذخیرہ آئل اینڈ گیس ڈویلپمنٹ کمپنی نے دریافت کیا ، ابتدائی نتائج کے مطابق ذخیرہ سے یومیہ 1400 بیرل تیل نکل سکتا ہے۔

اعلامیے میں بتایا گیا ہے کہ تیل وگیس کے ذخیرے کی دریافت کے لئے زیرزمین 2573 میٹر کھدائی کی گئی جو آئل اینڈ گیس ڈویلپمنٹ کمپنی کے ماہرین نے دریافت کیا ہے۔

ذخیرے سے یومیہ 1400 بیرل تیل کیساتھ یومیہ 50 لاکھ ایم ایم سی ایف ڈی گیس بھی حاصل ہونے کا امکان ہے۔