کیا سوزوکی مہران دوبارہ لانچ ہونے جارہی ہے، کمپنی کا اہم بیان سامنے آگیا

ویب ڈیسک

29th Jun, 2022. 04:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کیا سوزوکی مہران دوبارہ لانچ ہونے جارہی ہے، کمپنی کا اہم بیان سامنے آگیا

چھوٹی سی 800 سی سی مہران کار کو اگر سوزوکی کمپنی کی کامیاب ترین کار کہا جائے تو شاید غلط نہ ہوگا۔

سوزوکی کمپنی کی یہ کار چھوٹی فیملی اور متوسط طبقے میں بہت مقبول ہوئی کیونکہ یہ آرام دہ اور انتہائی اچھے فیول ایورج والی گاڑی ہے۔

سوزوکی کی جانب سے مہران کار 1989 میں لانچ کی گئی تھی۔ ابتداء میں گاڑیوں کے شوقین افراد نے اس میں متعدد خامیاں نکالیں جس پر کمپنی نے اس میں کچھ معمولی تبدیلیاں بھی کیں۔

تاہم تین دہائیوں تک اپنے اس کامیاب ترین ماڈل کو سوزوکی کمپنی نے 2019 میں بند کرنے کا اعلان کیا اور اس کی جگہ 660 سی سی آلٹو متعارف کروائی۔

اب گزشتہ کچھ دنوں سےسوشل میڈیا پر یہ افواہیں گردش کررہی تھیں کہ سوزوکی کمپنی مہران کار دوبارہ لانچ کرنے جارہی ہے تاہم کمپنی کی جانب سے اس بات کی تردید کرتے ہوئے وضاحتی بیان جاری کیا جاچکا ہے۔

پاکستان سوزوکی موٹر کمپنی نے واضح کیا کہ عوام کی پسندیدہ کار مہران کو دوبارہ لانچ کرنے کی مختلف اطلاعات مل رہی ہیں، کمپنی کا اس کار کی دوبارہ پروڈکشن شروع کا کوئی ارادہ نہیں ہے۔