سری لنکا اور آسٹریلیا کے درمیان جاری ٹیسٹ سیریز کے پہلے میچ میں ڈیوڈ اوارنر کی حاضر دماغی آسٹریلیا کے کام آگئی۔

تفصیلات کے مطابق میچ کا آغاز گال میں ہوا جہاں میزبان ٹیم نے ٹاس جیت کر پہلے بیٹنگ کا فیصلہ کیا ۔

جہاں یہ دن آسٹریلوی بولرز کا تھا وہیں30 ویں اوور میں گلی میں فیلڈ کرنے والے  آسٹریلیا کے ڈیوڈ وارنر نے شاندار کیچ لے کر سری لنکا کے کپتان دیموتھ کرونارتنے کو آؤٹ کیا، جب کہ آسٹریلیا کے باقی کھلاڑی ایل بی ڈبلیو کی اپیل کرتے رہے۔

آسٹریلوی آف اسپنر نیتھن لیون نے لیگ اسٹمپ لائن میں ایک گیند پھینکی اور کرونارتنے نے اسے فرنٹ فٹ پر آکر کھیلنے کی کوشش کی، جب گیند  بلے سے لگ کر پیڈ پر لگی  تو بلے باز کے ارد گرد موجود تین فیلڈرز ایل بی ڈبلیو کی اپیل کرتے ہوئے امپائر کی طرف دیکھنے لگے   لیکن وارنر نے اپنی نظریں گیند پر رکھی اور بالآخر  کیچ لے لیا ۔

Advertisement

Everyone went up for LBW.. David Warner kept his eye on the prize and took an absolute ripper! #SLvAUS pic.twitter.com/f7cdguPs39

— Chloe-Amanda Bailey (@ChloeAmandaB) June 29, 2022

کرونارتنے 84 گیندوں پر 28 رنز بنانے کے بعد پویلین لوٹ گئے،وارنر کی سنسنی خیز فیلڈنگ کی کوشش کا کلپ کچھ ہی دیر میں  سوشل میڈیا پر وائرل ہوگیا اور لوگ اس پر تبصرہ کرنے لگے۔

یہ بھی پڑھیں:ٹھمکوں کے بعد وارنر کا پنڈی اسٹیڈیم میں بھنگڑا

واضح رہے کہ سری لنکن ٹیم اپنی پہلے اننگ میں 212 رنز بنا کر آل آؤٹ ہوگئی ہے،نروشن ڈکویلا 58 رنز بنا کر ٹاپ اسکورر رہے،کپتان ڈمتھ کورانارتنے 28،رمیش مینڈس 22 جبکہ اوپنر پاتھم نسنکا نے 23 رنز بنائے۔

آسٹریلیا کی جانب سے نیتھن لیون نے 5 کھلاڑیوں کو پویلین کی راہ دکھائی،مچل سویپسن3 جبکہ مچل اسٹارک اور پیٹ کمنز نے 1،1 وکٹ حاصل کی۔