کرکٹ آسٹریلیا اور نجی اسپورٹس چینل کی دو سالہ جنگ عدالت میں پہنچ گئی ہے، چینل نے 82 ملین ڈالرز کا براڈکاسٹنگ معاہدہ ختم کرنے کا مقدمہ دائر کر دیا ہے۔

تفصیلات کے مطابق چینل 7 نے کرکٹ آسٹریلیا کے خلاف اپنا 82 ملین ڈالر کا براڈکاسٹنگ معاہدہ ختم کرنے کا مقدمہ دائر کیا ہے جس میں ‘متعدد معیار اور معیار کی خلاف ورزیوں’ کے حوالے سے مزید دو سال باقی ہیں۔

یہ کیس اس جنگ کا ایک اور اقدام ہے جو 2020 سے چینل 7 اور کرکٹ آسٹریلیا کے درمیان جاری ہے۔

سیون ویسٹ میڈیا لمیٹڈ نے اپنی ذیلی کمپنی سیون نیٹ ورک (آپریشنز) لمیٹڈ (سیون) کے ذریعے آسٹریلیا کی فیڈرل کورٹ میں کرکٹ آسٹریلیا کے خلاف مقدمہ دائر کیا ہے۔

چینل سیون کی انتظامیہ کا کہنا ہے کہ کرکٹ آسٹریلیا کے ساتھ سیون کے میڈیا حقوق کے معاہدے کی کرکٹ آسٹریلیا کی طرف سے متعدد معیار اور معیاری خلاف ورزیوں کے بعد یہ قدم اٹھایا گیا ہے۔

کرکٹ آسٹریلیا نے مقدمے کے حوالے سے چینل سیون کے بیانات کا جواب دیتے ہوئے کہا کہ وہ اس کاروائی کے خلاف لڑنے کو تیار ہیں۔

کرکٹ آسٹریلیا نے اپنے بیان میں کہا کہ چینل سیون نے کورونا سے متاثرہ کرکٹ سیزن میں انتہائی خراب کارکردگی پیش کی تھی، جو کہ تکنیکی اعتبار سے بھی تھی۔

کرکٹ آسٹریلیا کے ترجمان نے کہا کہ وہ حیران ہیں کہ چینل نے یہ غیر ضروری کاروائی کیوں کی ہے، لیکن اس کا سختی کے ساتھ دفاع کیا جائے گا۔

واضح رہے کہ مذکورہ چینل اور کرکٹ آسٹریلیا کے مابین 2018 میں 6 سالہ نشریاتی معاہدہ ہوا تھا، جس میں کورونا کرکٹ سیزن کے دروان دراڑ پیدا ہو گئی تھیَ

کرکٹ آسٹریلیا کا کہنا ہے کہ چینل سیون کی طرف سے پیش کردہ معیار اور اس کی خلاف ورزی بہت زیادہ ہو گئی تھی خاص طور پر بگ بیش لیگ میں اس کی مقبولیت میں واضح کمی آئی تھی۔