امریکی صدر جوبائیڈن نے آنے والے دنوں میں یوکرین کے لیے مزید 80 کروڑ ڈالر سے زائد کی فوجی امداد کا اعلان کیا ہے۔

خبرایجنسی کے مطابق میڈرڈ میں نیٹو اجلاس کے بعد صحافیوں سے گفتگو کرتے ہوئے امریکی صدرکا کہنا تھا کہ امریکا روس کے خلاف جنگ میں یوکرین کی حمایت جاری رکھے گا۔ ہم فضائی دفاع، توپ خانے، کاؤنٹربیٹری سسٹم اوردیگرہتھیاروں کے لیے مزید 80 کروڑ ڈالردینے کا ارادہ رکھتے ہیں۔

صدرجوبائیڈن کا کہنا تھا کہ ہم اورہمارے اتحادی یوکرین کے ساتھ کھڑے ہیں، اور اس بات کو یقینی بنائیں گے کہ یوکرین کو روس کے ہاتھوں شکست نہ ہو۔

ان کا مزید کہنا تھا کہ برطانوی اوردیگراتحادی ممالک کی فوجوں کو مشرقی سمت میں تعینات کیا جائے گا، اسی طرح امریکا یورپ میں پہلے سے موجود سیکیورٹی اہلکاروں کی تعداد میں ایک لاکھ کا اضافہ کرنے کے ساتھ ساتھ اسپین کو مزید جنگی جہازفراہم کرنے کے ساتھ رومانیہ اور بالٹک ریاستوں کے ساتھ بھی دفاعی تعاون کرے گا۔

واضح رہے کہ رواں سال 24 فروری کویوکرین پرروسی جارحیت کے بعد سے لڑائی جاری ہے۔ صدرولاد ی میرپیوٹن  کا کہنا ہے کہ یہ جنگ یوکرینی فوج کے ہتھیار ڈالنے تک جاری رہے گی۔

 امریکا، برطانیہ اور دیگر یورپی ممالک یوکرین کی حمایت میں کھڑے ہیں۔ جبکہ یوکرین کو یورپی یونین میں شمولیت کے لیے رکن کی حیثیت بھی دے دی گئی ہے۔