وفاق نے قبائلی اضلاع سے صحت کارڈ کی سہولت واپس لے لی ہے، تیمور سلیم جھگڑا

ویب ڈیسک

04th Jul, 2022. 02:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاق نے قبائلی اضلاع سے صحت کارڈ کی سہولت واپس لے لی ہے، تیمور سلیم جھگڑا

خیبر پختونخوا کے صوبائی وزیر خزانہ تیمورسلیم جھگڑا نے کہا ہے کہ وفاق نے قبائلی اضلاع سے صحت کارڈ کی سہولت واپس لے لی ہے۔

تفصیلات کے مطابق خیبر پختونخوا کے صوبائی وزیر خزانہ تیمورسلیم جھگڑا نے میڈیا سے گفتگو کرتے ہوئے کہا ہے کہ ہم نے ایم او یو پر دستخط کا اختیار وزیراعلیٰ کو دے دیا، ہمارا اگلے سال خرچہ85ارب روپے ہو گا۔

انہوں نے کہا کہ وفاق چاہتا ہے 60 ارب کا بوجھ ہم اٹھالیں، پی ایس پی کی مد میں5ارب روپے قبائلی اضلاع کیلئے مختص تھے، آئی ایم ایف سے معاہدہ ضروری ہے تو آئیں بات کریں۔

تیمورسلیم جھگڑا نے کہا ہے کہ قبائلی اضلاع کے 60 لاکھ افراد کا صحت کارڈ ختم کرنے کو کہا گیا، آئی ایم ایف پرسیاست نہیں کرنی چاہیے یہ پاکستان کیلئے ضروری ہے۔

خیبر پختونخوا کے صوبائی وزیر خزانہ نے کہا کہ ہم اپنے صوبے کا حق محفوظ بنانا چاہتے ہیں، وفاق نے قبائلی اضلاع سے صحت کارڈ کی سہولت واپس لے لی، آئی ایم ایف سے درست بنیادوں پرمعاہدہ ضروری ہے۔

انہوں نے کہا کہ اگر یہ25ارب اپنے پاس سے لگاتے ہیں تو ہمیں 25 ارب کا خسارہ ہو گا، قبائلی اضلاع کے فنڈ سے متعلق61ارب پر وفاقی حکومت سے وضاحت چاہتے ہیں۔