وزیراعظم شہباز شریف نے کہا ہے کہ عوامی فلاح کے منصوبے حکومت کی ترجیحات میں شامل ہیں۔

وزیراعظم  شہبازشریف نے گرین اور بلیو لائن بس سروس منصوبے کی افتتاحی تقریب سے خطاب کرتے ہوئے کہا کہ اس بس سروس منصوبے سے جڑواں شہروں کےعوام مستفید ہوں گے۔

وزیراعظم کا کہنا تھا کہ گرین اور بلیو لائن پر ایک ماہ کے لیے عوام کو مفت سفری سہولیات فراہم کی جائے گی جس سے ہر شعبے سے تعلق رکھنے والے افراد فیض یاب ہوں سکیں گے۔

انہوں نے کہا کہ مہنگائی کا سلسلہ گزشتہ 4 سال سے جاری ہے لیکن حکومت کے قلیل مدتی ریلیف اقدامات کے ذریعے ملک میں مہنگائی پر قابو پانے کی کوششیں جاری ہیں۔

انہوں نے مزید کہا کہ ماضی کی حکومت نے انتہائی ناقص منصوبہ بندی کی جس کی وجہ سے ترقیاتی کاموں میں تاخیر ہوئی لیکن اب ہم عوامی منصوبوں کی ایسے نگرانی کریں جیسے اپنے بچوں کی کرتے ہیں اور ساتھ ہی ترقیاتی منصوبوں کی تکمیل میں شفافیت یقینی بنارہے ہیں۔

وزیراعظم کا کہنا تھا کہ تیل اور گیس کی قیمتوں نے عوام کو پریشان کررکھا ہے لیکن عالمی سطح پر تیل کی قیمتوں میں کچھ کمی آئی ہے ۔

انہوں نے بتایا کہ ملک بھر میں سستی شمسی توانائی کا جال بچھانا ہے اور جتنی جلدی تیل کی قیمت کم ہونگی بجلی اتنی سستی بنے گی۔

انہوں نے کہا کہ حکومت بجلی کی کمی کے چیلنجوں کو کم کرنے کے لیے شمسی توانائی سے بجلی پیدا کرنے کے منصوبوں کو فروغ دے گی۔

اسکے علاوہ وزیراعظم نے اسلام آباد پولیس اور ان کے اہل خانہ کی فلاح و بہبود کے حوالے سے اٹھائے گئے اقدامات پر وزیر داخلہ رانا ثناء اللہ کی کاوشوں کو سراہا۔

وزیراعظم نے بہارہ کہو میں میٹرو بسوں کے لیے کمانڈ اینڈ کنٹرول سینٹر کا سنگ بنیاد بھی رکھا جو 6 ماہ میں مکمل ہوگا۔

خیال رہے کہ وزیراعظم شہباز شریف نے آج میٹرو بس سروس کی گرین لائن  اور بلیو لائن سروسز کا افتتاح کردیا ہے۔

Pioneer of Mass Transit infrastructure and connectivity in Pakistan PM Shehbaz Sharif.Lahore Metro,Lahore Speedo Bus Service,Orange Train,Multan Metro,Rwp Islamabad Metro Islamabad Red Line Blue Line Bus Service Green Line Bus Service Orange Line @CMShehbaz @PakPMO pic.twitter.com/XnZWoZuEdm

— Marriyum Aurangzeb (@Marriyum_A) July 7, 2022

پمز سے تمام گرین لائن اور بلیو لائن سروس (پنڈی اسلام آباد میٹرو) ریڈ لائن میں ضم ہو جائے گی۔

فیض احمد فیض اسٹاپ سے مسافر اورنج لائن سے ائیرپورٹ تک سفر کر سکتے ہیں۔