پاکستان تحریک انصاف (پی ٹی آئی) کی رہنما ڈاکٹر یاسمین راشد نے کہا ہے کہ مہنگائی کا سیلاب عوام کو پریشان کررہا ہے۔

یاسمین راشد نے پنجاب اسمبلی میں اظہار خیال کرتے ہوئے کہا کہ جب آپ حمزہ کے پروڈکشن آرڈر جاری کرتے تھے مجھے تکلیف ہوتی تھی۔

انہوں نے کہا کہ آج حمزہ جس طرح کی حرکتیں کرتے ہیں تو عوام پریشان ہیں۔ وہ ناجائز حکومت میں بیٹھ کر جو کردار ادا کرتے ہیں وہ شرمناک ہے۔

پی ٹی آئی رہنما نے کہا کہ کل جو جلسہ ہوا جتنی بارش ہوئی اس کے باوجود جلسہ بہت کامیاب ہوا، لوگ پانی میں گھنٹوں لیڈر کی بات سننے کے لیے کھڑے رہے۔

یاسمین راشد نے کہا کہ اس وقت عوام عمران خان کے ساتھ ہیں، ضمنی الیکشن میں انشااللہ کلین سویپ کریں گے، انشااللہ حق کی جیت ہوگی۔

انہوں نے مزید کہا کہ مہنگائی کا سیلاب عوام کو پریشان کررہا ہے۔ پانچ نئے اراکین حلف اٹھا لیا ہے۔

اس سے قبل پنجاب اسمبلی کے اجلاس سے اظہار خیال کرتے ہوئے پاکستان تحریک انصاف کے رہنما فیاض الحسن چوہان نے کہا کہ ہم نے کبھی اداروں پر تنقید نہیں کی، عمران ریاض کے کیسز میں سوشل میڈیا اور قوم جس قسم کے جذبات کا اظہار کررہی ہے سب کے سامنے ہے۔

فیاض الحسن چوہان نے کہا کہ زرمبادلہ صرف سات ارب ڈار ہیں ملک ڈیفالٹ کی طرف جارہا ہے کیونکہ سارے کیسز کرپٹ اور بددیانت لوگوں کے پاس ہیں۔

انہوں نے کہا کہ اس وقت نمبر گیم برابر ہے ، آزاد اراکین اور ن لیگ میں سے کئی اراکین ان کی کالک منہ پر لگانے کو تیار نہیں، ن لیگیوں کو توقع نہیں تھی حلکقوں میں اتنی نفرت ملے گی۔