نانگا پربت پر پھنسے کوہ پیماؤں کو نکالنے کے لیے پاک فوج کا ہائی رسک ریسکیو آپریشن جاری

ویب ڈیسک

07th Jul, 2022. 12:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نانگا پربت پر پھنسے کوہ پیماؤں کو نکالنے کے لیے پاک فوج کا ہائی رسک ریسکیو آپریشن جاری

نانگا پربت پر پھنسے کوہ پیما شہروز کاشف اور فضل علی کو نکالنے کے لیے پاک فوج کا ہائی رسک ریسکیو آپریشن جاری ہے۔

پاک فوج کے شعبہ تعلقات عامہ (آئی ایس پی آر) کے مطابق نانگا پربت پر پھنسے کوپیما شہروز کاشف اور فضل علی کو نکالنے کے لئے پاک فوج گزشتہ روز سے ہائی رسک ریسکیو مشن کوآرڈینیٹ کر رہی ہے۔

آئی ایس پی آر نے بتایا کہ اس مقصد کے لئے آرمی ایوی ایشن اور گراؤنڈ سرچ ٹیم کو بھی مشن پر تعینات کیا گیا ہے۔

آئی ایس پی آر نے بتایا کہ پاک آرمی ایوی ایشن پائلٹس نے خراب موسم کے باوجود دو مرتبہ بے خوف کوشش کی اور دونوں مرتبہ گہرے بادلوں کی وجہ سے پھنسے کوہ پیماؤں کو نکالا نہیں جا سکا۔

آئی ایس پی آر کا کہنا تھا کہ گراؤنڈ سرچ ٹیم بھی 21000فٹ بلندی پر کیمپ تین میں پھنسے کوہ پیماؤں کے قریب پہنچ گئی ہے اور آج کوہپیماؤں کو کیمپ ٹو تک ریسکیو کرنے کی کوشش کرے گی۔

آئی ایس پی آر کے مطابق موسم بہتر ہونے پر آرمی ہیلی کاپٹر سے آج بھی پھنسے کوہ پیماؤں کو نکالنے کی کوشش ہو گی۔