سندھ حکومت جیبیں گرم کررہی انکا کراچی کے مسائل سے کوئی لینا دینا نہیں، خرم شیر زمان

ویب ڈیسک

07th Jul, 2022. 12:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ حکومت جیبیں گرم کررہی انکا کراچی کے مسائل سے کوئی لینا دینا نہیں، خرم شیر زمان

پی ٹی آئی پارلیمانی لیڈر سندھ اسمبلی خرم شیر زمان کا کہنا ہے کہ سندھ حکومت جیبیں گرم کررہی انکا کراچی کے مسائل سے کوئی لینا دینا نہیں۔

خرم شیر زمان نے اپنے جاری کردہ بیان میں کہا کہ سندھ حکومت کے ذہن پر عوامی خدمت نہیں انتقامی کارروائیاں سوار ہیں، سندھ حکومت کا کراچی کے مسائل سے کوئی لینا دینا نہیں۔

انہوں نے کہا کہ پانی کی قلت اور بجلی کے بحران نے شہریوں کو مایوس کردیا ہے، بجلی نہ ہونے سے لوگوں کے گھروں میں پانی کی فراہمی بھی مشکل ہے۔

پی ٹی آئی پارلیمانی لیڈر کا کہنا ہے کہ پہلے ہی کراچی کو ضرورت کے مطابق پانی میسر نہیں، پورے شہر کو ٹینکر مافیا کے رحم و کرم پر چھوڑا ہوا ہے۔

خرم شیر زمان نے کہا کہ حکومتی وزراء اپنی جیبیں گرم کرنے میں مصروف ہیں، کراچی میں پی ٹی آئی کی کارکردگی کسی سے ڈھکی چھپی نہیں۔

انہوں نے مزید کہا کہ کراچی کی بہتری کیلئے عوام اپنا فیصلہ کریں، 24 جولائی الیکشن میں عوام نکلیں بلے کو کامیاب کریں۔