سندھ رینجرز نے کراچی کے مختلف علاقوں میں رینجرز نے کارروائی کرتے ہوئے 21  ملزمان کو گرفتارکرلیا ہیں۔

تفصیلات کے مطابق سندھ رینجرز نے شہر کے مختلف علاقوں میں کارروائی کرتے ہوئے 21  ملزمان کو  ڈکیتی، رہزنی، منشیات فروشی اور غیرقانونی اسلحہ رکھنے کے الزام میں گرفتار کرلیا۔

ترجمان رینجرز کا  کہنا تھا کہ رینجرز نے کاروائی کے دوران امیمن گوٹھ کے علاقے میں رینجرز نے کارروائی کرتے ہوئے ملزم رفیق احمد کو گرفتارکیا،ملزم بھتہ خوری کی متعدد وارداتوں میں ملوث ہے۔

ترجمان رینجرز  کا یہ بھی کہنا تھا کہ دوران کارروائی سپر مارکیٹ،لیاقت آباد،ماڑی پور، کھوکھراپار،کورنگی اورسعیدآباد کے علاقوں میں رینجرز نے کارروائی کرتے ہوئے 11ملزما ن کو گرفتار کیا  جو لوگوں سے لوٹ مار کرنے،ڈکیتی اور اسٹریٹ کرائم کی متعدد وارداتوں میں ملوث ہیں۔

سندھ رینجرز کی کارروائی، 26 ملزمان گرفتار

ترجمان رینجرز کا مزید  کہنا تھا کہ بغدادی کے علاقے میں رینجرز نے کارروائی کرتے ہوئے ملزم زاہدکو گرفتار کیا جو  سہولت کاری سمیت جرائم کی متعدد وارداتوں میں ملوث ہےجبکہ کلاکوٹ،شیر شاہ،ماڑی پور،میمن گوٹھ،کورنگی، کلری، ڈیفنس اور بغدادی کے علاقوں میں رینجرز نے کارروائی کرتے ہوئے 8 ملزمان  کوگرفتار کیا جوعلاقے میں منشیات فروشی کے کاروبار میں ملوث ہیں۔

واضح  رہے اس سے قبل بھی کراچی میں رینجرز نے  کاروائی کرتے ہوئے گھر میں موجود بارودی مواد اور دستی بم برآمد کرلیئے تھے۔

 ترجمان رینجرز کے مطابق انٹیلیجنس کی معلومات پر کراچی کے علاقے ملیر میں ایک رہائشی مکان میں رینجرز نے کاروائی کی اور مکان کی تلاشی کے دوران وہاں چھپایا گیا بارودی مواد اور اسلحہ ملے جو کسی دہشتگردی کیلئے چھپا کر رکھے گئے تھے۔

ترجمان رینجرز نے مزید کہا تھا کہ رینجرز کی کاروائی کے دوران برآمد سامان میں ایک آئی ای ڈی، دو کلو بارود، دو دستی بم، چھ ڈیٹونیٹر، دس سے زائد مختلف اقسام کے ہتھیار اور مختلف گولیوں کے راوئنڈز ملے ہیں۔