مریم اورنگزیب نے کہا ہے کہ ڈرامہ انڈسٹری کیلئے تنویر جمال کی خدمات کو ہمیشہ یاد رکھا جائے گا۔

تفصیلات کے مطابق سماجی رابطے کی ویب سائٹ ٹویٹر پر اپنے ایک پیغام میں وفاقی وزیر اطلاعات و نشریات مریم اورنگزیب نے معروف اداکار تنویر جمال کے انتقال پر گہرے دکھ اور افسوس کا اظہار کیا ہے۔

تنویر جمال کے انتقال کی خبر سن کر دکھ ہوا، تنویر جمال گزشتہ 35 سالوں سے PTV کی معروف شخصیت تھے.PTV کے متعدد ڈراموں میں اپنی کارکردگی کا لوہا منوایا،مرحوم کی ڈرامہ انڈسٹری کیلئے خدمات کو ہمیشہ یاد رکھا جائے گا، اللہ تعالیٰ مرحوم کو اپنے جوار رحمت میں اعلیٰ مقام عطا فرمائے۔ (آمین)

— Marriyum Aurangzeb (@Marriyum_A) July 13, 2022

وفاقی وزیر اطلاعات و نشریات نے کہا کہ تنویر جمال گزشتہ 35 سالوں سے پی ٹی وی کی معروف شخصیت تھے۔

انہوں نے یہ بھی کہا کہ مرحوم نے پی ٹی وی کے متعدد ڈراموں میں اپنی کارکردگی کا لوہا منوایا، ڈرامہ انڈسٹری کیلئے تنویر جمال مرحوم کی خدمات کو ہمیشہ یاد رکھا جائے گا۔

اپنے پیغام میں وفاقی وزیر اطلاعات و نشریات مریم اورنگزیب نے دعا کی کہ اللہ تعالیٰ مرحوم کو اپنے جوار رحمت میں اعلیٰ مقام عطا فرمائے۔

واضح رہے کہ پاکستان کے معروف اداکار تنویر جمال انتقال کرگئے۔ معروف اداکار تنویر جمال کا انتقال جاپان میں ہوا، وہ کینسر کے مرض میں مبتلا تھے۔

 اداکار تنویر جمال نے جاپان اور پاکستان میں منشیات کے خلاف ایک فلم بھی بنارکھی تھی، فلم کو کورونا وائرس کی وجہ سے سینیما گھروں کہ بندش کے باعث ریلیز نہ کیا جاسکا۔

تنویر جمال کے ڈاکٹروں کا کہنا تھا کہ کینسر کے باعث اداکار کے پھیپڑے ختم ہو گئے تھے اور ان کا مزید علاج ممکن نہیں تھا۔