وائرس کے خاتمے کے لئے تمام پاکستانی اپنا بھرپور کردار ادا کریں، عبدالقادر پٹیل

ویب ڈیسک

14th Jul, 2022. 09:26 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وائرس کے خاتمے کے لئے تمام پاکستانی اپنا بھرپور کردار ادا کریں، عبدالقادر پٹیل

وفاقی وزیر عبدالقادر پٹیل نے کہا ہے کہ ہمارے بچے صحت مند اور محفوظ مستقبل کے حقدار ہیں اور وائرس کے خاتمے کو قومی فریضہ سمجھتے ہوئے عوام کو اپنا بھرپور کردار ادا کرنا چاہیئے۔

تفصیلات کے مطابق شمالی وزیرستان سے پولیو کے بارہویں کیس کی تصدیق ہوئی ہے جس کے متعلق بات کرتے ہوئے وفاقی وزیر برائے صحت نے کہا ہے کہ وائرس کے ممکنہ پھیلاؤ کو روکنے کیلئے متعدد بار پولیو مہمات کا انعقاد کیا جاچکا ہے۔

انہوں نے کہا کہ پروگرام زیادہ سے زیادہ بچوں کو ویکسین کی فراہمی یقینی بنانے کے لئے متعدد حکمت عملی پر عمل پیرا ہے، جس میں بڑی حد تک کامیابی حاصل ہوئی ہے۔

انہوں نے مزید کہا کہ تمام والدین کو حالات کی نزاکت کا احساس ہونا چاہئے، پولیو مہم کے دوران ورکرز کے لئے اپنے دروازے کھولیں اور ہر مہم میں بچوں کی ویکسینیشن کو یقینی بنائیں۔

وفاقی وزیر نے کہا کہ والدین اپنے بچوں کو ہر مہم میں پولیو سے بچاؤ کے قطرے ضرور پلوائیں۔

انہوں نے بتایا کہ موجودہ حکومت پولیو کے خاتمے تک چین سے نہیں بیٹھے گی۔