امیر جماعت اسلامی کراچی حافظ نعیم الرحمان کا کہنا ہے کہ  سندھ حکومت نالوں کی صفائی میں بھی کرپشن کررہی ہے۔

حافظ نعیم الرحمان نے کرچی میں پریس کانفرنس کرتے ہوئے کہا کہ صوبائی الیکشن کمیشن کا کردار غیر منصفانہ ہے، صوبائی الیکشن کمیشن بلدیاتی انتخابات کو خراب کرنے کی منصوبہ بندی کی جارہی ہے۔

انہوں نے کہا کہ کورنگی کے ضمنی انتخاب میں رینجرز کہاں تھی؟ رینجرز اور پولیس کو شہر میں انتخابات کے وقت اپنا کردار ادا کرنا ہوگا۔

نعیم الرحمان نے کہا کہ کورنگی کے ضمنی انتخاب میں کھلے عام اسلحے کی نمائش کی گئی، چیف الیکشن کمشنر، کراچی کے بلدیاتی انتخابات اپنی نگرانی میں کرائیں۔

امیر جماعت اسلامی کا کہنا ہے کہ سندھ حکومت نالوں کی صفائی میں بھی کرپشن کررہی ہے، کراچی کے باہر کے لوگوں کو نوکریاں دی جارہی ہیں جو قانون کیخلاف ہے۔

حافظ نعیم الرحمان کا کہنا ہے کہ لسانی سیاست سے پاک ہوکر کراچی کی خدمت کرنی ہے،  سندھ میں لسانیت کی فضاء کو ہوا دی جارہی ہے۔

انہوں نے کہا کہ سندھی اور پختون براداری یکجہتی کا مظاہرہ کریں، ان کو لڑانے کی سازش کی جارہی ہے، لسانیت کا کارڈ استعمال کرکے الیکشن میں کامیاب ہونا چاہتے ہیں۔

انکا کہنا ہے کہ الیکشن کمیشن ایڈمنسٹریٹر کی برطرفی کا فیصلہ کیوں نہیں کرتا؟ سندھ الیکشن کمیشن صوبائی حکومت کا سہولت کار بنا ہوا ہے، مرتضیٰ وہاب سیاسی ایڈمنسٹریٹر کراچی ہیں۔

امیر جماعت اسلامی نے کہا کہ کراچی کی ترقی چاہتے ہیں تو 24جولائی کو ہمارا میئر لائیں، ایم کیوایم پیپلزپارٹی کے ساتھ فرینڈلی اپوزیشن کرتی رہی، جس کی وجہ سے کراچی کا نقصان ہوا۔

نعیم الرحمان نے مزید کہا کہ لیاری ایکسپریس کے متاثرین کو14 ہزار پلاٹس دیئے گئے جبکہ ہم نے اپنے دور میں لیاری ایکسپریس متاثرین کو متبادل جگہ دی۔