سری لنکا کے خلاف پہلے ٹیسٹ کی پہلی اننگز میں بابر اعظم کی شاندار سنچری کی بدولت پاکستانی ٹیم پہلی اننگز میں 218 رنز بنا کر آؤٹ ہو گئی۔

گال ٹیسٹ کے دوسرے روز پاکستانی ٹیم نے اپنی پہلی نامکمل اننگز کا آغاز 24 رنز دو کھلاڑی آؤٹ سے کیا اس وقت اظہر علی اور بابر اعظم وکٹ پر موجود تھے۔

دوسرے روز کے کھیل کے آغاز سے ہی سری لنکن اسپنرز نے پاکستانی بیٹرز کو دباؤ میں رکھا اور کھانے کے وقفے تک  پاکستان کی 7 وکٹیں گر گئی تھی۔

دوسرے روز کے آغاز میں پاکستان کے پہلے آؤٹ ہونے والے کھلاڑی اظہرعلی تھے جو 3 رنز بنا کر آؤٹ ہوئے جبکہ محمد رضوان لیگ سائڈ پر وکٹوں سے باہر جاتی گیند کو کھیلنے کی کوشش میں کیچ آؤٹ ہوگئے انہوں نے 19 رنز کی اننگز کھیلی اس طرح دیکھتے ہی دیکھتے پاکستان کی 9 وکٹ گرگئی۔

تاہم کپتان بابر اعظم  نے ہی اپنی ٹیم کا ملبہ آٹھایا، بابر اعظم نے نسیم شاہ کے ساتھ مل کر آخری وکٹ کے لیے 70 رنز کی شراکت قائم کی اور پاکستان 218 رنز بنانے میں کامیاب رہا۔

بابراعظم 119 رنز بنا کر آؤٹ ہوئے جبکہ نسیم شاہ نے 52 گیندوں پر 5 رنز بنائے اور ناٹ آؤٹ رہے۔

یاد رہے کہ سری لنکا اور پاکستان کے درمیان کھیلے جارہے پہلے ٹیسٹ میچ کے دوسرے روز کا کھیل آؤٹ فیلڈ گیلی ہوجانے کے سبب تاخیر کا شکار ہوا تھا۔

☀️ Good news ☀️

The sun is out and the covers are off. We are starting at 10am (Pakistan time) #SLvPAK

Get ready and #BackTheBoysInGreen 🇵🇰 https://t.co/Jo0BkQOXzT pic.twitter.com/h0v0dtyf6T

Advertisement

— Pakistan Cricket (@TheRealPCB) July 17, 2022

گال میں بارش کا سلسلہ تھم چکا ہے اور سورج نکل آیا ہے تاہم آؤٹ فیلڈ گیلی ہوجانے کے سبب میچ اپنے وقت پر شروع نہیں کیا جاسکا۔

خیال رہے کہ پہلے دن کھیل کے اختتام پر پاکستان نے 2 وکٹوں کے نقصان پر 24 رنز بنا لیے تھے جبکہ پہلی اننگز کو پورا کرنے کے لیے قومی ٹیم کو مزید 198 رنز درکار تھے۔

گال ٹیسٹ کے پہلے دن سری لنکا نے ٹاس جیت کر بیٹنگ کا فیصلہ کیا، لیکن میزبان ٹیم 66 اعشاریہ 1 اوورز میں 222 رنز پر ڈھیر ہوگئی۔

پاکستان کی جانب سے شاہین شاہ آفریدی 4، یاسر شاہ اور حسن علی نے 2، 2 جبکہ نسیم شاہ اور محمد نواز نے ایک ایک وکٹ حاصل کی۔

جواب میں پاکستان کی طرف سے عبد اللّٰہ شفیق اور امام الحق نے اننگز کا آغاز کیا، دونوں کھلاڑی بالترتیب 13 اور 2 رنز بنا کر پویلین لوٹ گئے تھے۔