سپیکر پنجاب اسمبلی چوہدری پرویز الہی نے کہا ہے کہ اپوزیشن آرمی حکومت اور سیاست دان امن کے لئے سفارتی سطح پر ایک پیج پر ہے۔

تفصیلات کے مطابق سپیکر پنجاب اسمبلی چوہدری پرویز الہی  نے اپنے ایک بیان میں کہا کہ اپوزیشن اور حکومت ایک پیج پر ہیں، ملکی معیشت ترقی کر رہی ہے، جلد پاکستان معاشی طور پر مستحکم ہو جائے گا۔

اپنے بیان میں چوہدری پرویز الہی  نے کہا کہ آرمی ایکٹ کی توسیع ملک و قوم کے وسیع تر مفاد میں ہے جبکہ  اپوزیشن جماعتوں نے حمایت کر کے ملکی یکجہتی کا ثبوت دیا ہے۔

سپیکر پنجاب اسمبلی نے یہ بھی کہا کہ مولانا فضل الرحمن نے آرمی ایکٹ پر نہ حق میں ووٹ دیا نہ مخالفت میں اوران کے اس اقدام سے قومی ادارے مضبوط ہوں گے

امریکہ اران کشیدگی کے حوالے سے سپیکر پنجاب اسمبلی چوہدری پرویز الہی  کا کہنا تھا کہ آرمی اور حکومت نے ایران امریکہ جنگ میں حصہ نہ بن کر اور امن کا حصہ بن کر اچھا فیصلہ کیا ہے۔

مولانا فضل الرحمان اور پرویزالہیٰ کی ملاقات

 چوہدری پرویز الہی  کا یہ بھی کہنا تھا کہ مہنگائی کو کنٹرول کرنے کیلئے حکومت پوری توجہ دے رہی ہےجبکہ جب سیاسی قیادت اکٹھی  ہو جائے تو سب سے ذیادہ فائدہ معشیت کو ہوتا ہے ۔

سپیکر پنجاب اسمبلی چوہدری پرویز الہی کا مزید کہنا تھا کہ 1122   نے اپوزیشن کو بھی ٹھنڈا کر دیا ہے، اب ہمارے مخالفین بھی ایمرجنسی میں اسے استعمال کرتے ہیں جبکہ ہماری جماعت نے ہمیشہ مثبت کردار ادا کیا ہے اور یہ حکومت انشااللہ 5 سال پورے کرے گی۔

واضح رہے اس سے قبل جمیعت علمائے اسلام کے سربراہ مولانا فضل الرحمان اور حکومت کے اتحادی پرویزالہیٰ کی ملاقات ہوئی تھی۔

ان دونو ں رہنما وں کی اس ملاقات میں آزادی مارچ اور حکومت کے ساتھ مذاکرات سے متعلق تبادلہ خیال اورحکمت عملی پر غور کیا تھا۔