پاکستان تحریک انصاف کے رہنما عثمان ڈار نے کہا ہے کہ پنجاب کے لوگوں کو سلام جنہوں نے امپورٹڈ حکومت کو تسلیم نہیں کیا۔

تفصیلات کے مطابق پاکستان تحریک انصاف کے رہنما عثمان ڈار نے اپنے بیان میں کہا ہے کہ میڈیا نے گزشتہ روز زبردست الیکشن کوور کیا۔

انہوں نے کہا کہ عمران خان نے شب و روز محنت کی اور لیڈرشپ کا مظاہرہ کیا، عمران خان نے کہا مشکل وقت میں موقع ملتا ہے،اپنے لیڈر پر فخر ہے۔

عثمان ڈار نے کہا ہے کہ پنجاب کے لوگوں کو سلام جنہوں نے امپورٹڈ حکومت کو تسلیم نہیں کیا، لاہوریوں نے لاہور کا تخت الٹ دیا۔

واضح رہے کہ پنجاب کے 20 حلقوں میں ہونے والے ضمنی انتخابات کے غیر حتمی اور غیر سرکاری نتائج کے مطابق پاکستان تحریک انصاف نے 15 نشستیں اپنے نام کرلیں جب کہ مسلم لیگ (ن) کو صرف 3 سیٹوں پر کامیابی ملی اور ایک سیٹ آزاد امیدوار کے حصے میں آئی۔

پنجاب میں پی ٹی آئی اتحاد کو سادی اکثریت حاصل ہوگئی اور یوں پنجاب کے وزارت اعلیٰ کی سیٹ اب تحریک انصاف کے امیدوار کی ہی ہوگی، پی ٹی آئی اتحاد نے 186 نشستیں حاصل کرلیں، پنجاب میں پی ٹی آئی کی 176 اور مسلم لیک (ق) کی 10 نشستیں ہیں۔

پولنگ صبح آٹھ بجے شروع ہوئی جو بغیر کسی وقفے کے پانچ بجے تک جاری رہی، اس موقع پر سیکیورٹی کے سخت انتظامات کیے گئے تھے،  صوبے کے 14 اضلاع کے ضمنی انتخابات میں 175 امیدوار آمنے سامنے ہیں۔