ضمنی الیکشن میں ناکامی، نواز شریف کا نئی حکمت عملی تیار کرنے پر زور

ویب ڈیسک

19th Jul, 2022. 12:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ضمنی الیکشن میں ناکامی، نواز شریف کا نئی حکمت عملی تیار کرنے پر زور

پنجاب کے 20 حلقوں میں ضمنی انتخابات میں مسلم لیگ ن کو ہونے والی شکست کے بعد نواز شریف نے اتحادیوں کے ساتھ مل کر نئی حکمت عملی تیار کرنے پر زور دیا ہے۔

اس حوالے سے ذرائع کا کہنا ہے کہ قائد ن لیگ نواز شریف کی زیر صدارت لندن میں اہم اجلاس منعقد ہوا جس میں اسحاق ڈار،سعود مجید، شیزا خواجہ اور مقامی قیادت کی شرکت کی جبکہ مریم نواز نے وڈیو لنک کے ذریعے اجلاس میں شرکت کی۔

ذرائع نے بتایا کہ اجلاس کے دوران مریم نواز نے ضمنی الیکشن میں شکست کی وجوہات سے آگاہ کیا اور کہا کہ جو مجھ سے ہوسکا پارٹی قیادت اور آپ کی ہدایت پر بھرپور مہم چلائی۔

اس موقع پر نواز شریف نے انہیں شاباشی دیتے ہوئے کہا کہ آپ نے شاندار اور بھرپور مہم چلائی ہے لیکن انتخابات میں ناکامی کی بڑی وجہ مہنگائی اور پرانے ٹکٹ ہولڈرز کو ٹکٹ نہ دینا بنے ہیں۔

انہوں نے کہا ہمیں پتہ ہے کہ امیدواروں کے انتخاب میں مقامی رہنما اور ٹکٹ ہولڈرز ناراض تھے لیکن پارٹی کے وفادار اور اپنے حلقوں میں مضبوط امیدوار ہماری ترجیح ہیں۔

انہوں نے کہا ہے کہ ہم اتحادیوں کے ساتھ مل کر اب نئی حکمت عملی بنائیں گے۔