صدر آزاد کشمیر بیرسٹر سلطان محمود چوہدری نے کہا ہے کہ بین الاقوامی دنیا مسئلہ کشمیر پر کشمیریوں کو سننا چاہتی ہے۔
تفصیلات کے مطابق صدر آزاد کشمیر بیرسٹر سلطان محمود چوہدری نے ٹی وی جرنلسٹس ایسوسی ایشن کے وفد سے ملاقات کی جس میں سلطان محمود چوہدری نے کہا کہ مجھے یہ اعزاز حاصل ہے کہ میرے والد قرارداد الحاق پاکستان پاس کرنیوالوں میں شامل تھے۔
انہوں نے کہا کہ پاکستان بننے سے پہلے کشمیری قیادت نے غازی ملت کی رہائش گاہ پر اجلاس کرکے قرارداد الحاق پاکستان پاس کی، کشمیر کی آزادی کے لیے فیصلہ کن موڑ ہے، ہماری ذمہ داری بنتی ہے کہ اس مسئلے کو بین الاقوامی سطح پر لائیں۔
بیرسٹر سلطان محمود چوہدری نے کہا ہے کہ کشمیری عوام کی مرضی اور منشا کے مطابق مسئلہ کشمیر کے حل کیلئے جدوجہد جاری رکھیں گے، بھارت نے نا صرف مقبوضہ کشمیر میں بلکہ اپنے ملک میں بھی اقلیتوں کے ساتھ مظالم کیے ہیں۔
صدر آزاد کشمیر نے کہا کہ بے پناہ مظالم کے باوجود مقبوضہ کشمیر کے نوجوان جدوجہد کو جاری رکھ ہوئے ہیں، مقبوضہ کشمیر میں اندرونی مزاحمتی تحریک دنیا کی توجہ حاصل کر رہی ہے۔
Advertisement
انہوں نے کہا کہ بین الاقوامی دنیا مسئلہ کشمیر پر کشمیریوں کو سننا چاہتی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
