سوزین خان سے علیحدگی کے بعد بالی ووڈ کے سپر اسٹار ہرتیک روشن کا نام صبا آزاد کے ساتھ لیا جا رہا ہے،دونوں کے درمیان دیرینہ دوستی کے بھی کافی چرچے ہیں۔

صبا آزاد اور ہرتیک روشن کے تعلق کے حوالے سے خبریں عروج پر اس وقت پہنچیں جب دونوں نے ایک ساتھ بالی ووڈ کے نامور پروڈیوسر اور ہدایت کار کرن جوہر کی سالگرہ کی تقریب میں‌ شرکت کی۔

صبا آزاد اور ہرتیک روشن حال ہی میں چھٹیاں منانے کی غرض سے بیرون ملک گئے تھے، ان کی بھارت واپسی کے بعد یہ خبریں زور پکڑ گئیں کہ یہ جوڑا بہت جلد شادی کے بندھن میں بندھ رہا ہے۔

بھارتی میڈیا رپورٹ کے مطابق “ہریتک روشن اور صبا آزاد خوشگوار تعلقات میں ہیں وہ دونوں ایک دوسرے کے ساتھ بہت خوش ہیں.یہاں تک کہ صبا آزاد کے ہرتیک روشن کے دونوں بچوں کے ساتھ بھی بہت اچھے تعلقات ہیں۔

صبا آزاد اور ہرتیک کے شادی کے بندھن میں جلد ہی بندھنے کی خبروں کے حوالے سے  اس جوڑے کا کہنا ہے کہ ہم ایک دوسرے کے ساتھ بہت خوش ہیں اچھا وقت گزار رہے ہیں لیکن فی الحال ہمارا شادی کرنے کا کوئی اردہ نہیں ہے۔

حال ہی میں ہرتیک روشن کی سابقہ اہلیہ سوزین خان کی ان کی  گرل فرینڈ صبا آزاد کی پوسٹ پر کیا گیا کمنٹ کافی مقبول ہو گیا ہے۔

صبا آزاد جو کہ انسٹاگرام پر بہت زیادہ متحرک رہتی ہیں روزانہ کی بنیاد پر اپنی تصاویر بھی پوسٹ کرتی رہتی ہیں۔

صبا آزاد نے انسٹاگرام پر ایک ایڈورٹائزمنٹ کی پوسٹ لگائی جس پر سوزین خان نے کمنٹ کیا اور لکھا کہ سو پریٹی صبو۔

سوزین خان کے اس کمنٹ سے اندازہ لگایا جا سکتا ہے کہ ہرتیک روشن کی سابقہ اہلیہ سوزین خان اور گرل فرینڈ صبا آزاد کے درمیان ایک اچھی دوستی کا تعلق ہے۔

سوزین خان کے کمنٹ نے ہرتیک روشن اور صابا آزاد کو پسند کرنے والوں‌ کو یقینا متاثر کیا۔