پاکستان کی ایک اور خاتون کوہ پیما نے کے ٹو کی چوٹی کو کامیابی سے سر کر لی ہے، نائلہ کیانی کے ٹو سر کرنے والی دوسری پاکستانی خاتون کوہ پیما بن گئی ہیں۔
کوہ پیما نائلہ کیانی نے جمعہ کی صبح 10 بج کر 15 منٹ پر کے ٹو کے سر کی ہے جبکہ اس سے قبل ثمینہ بیگ نے بھی آج ہی صبح 7 بج کر 42 منٹ پر کے ٹو کی چوٹی سر کی، جس کے بعد ایک ہی دن میں دو پاکستانی خواتین نے کے ٹو سر کرکے تاریخ رقم کر دی۔
یہ بھی پڑھیں: ثمینہ بیگ کے ٹو سر کرنیوالی پہلی پاکستانی خاتون کوہِ پیما بن گئیں
8611 میٹر بلند کے ٹو دنیا کی دوسری بلند ترین چوٹی ہے اور ثمینہ بیگ نے ٹو سر کرنے والی پہلی پاکستانی خاتون کوہ پیما کا اعزاز اپنے نام کیا ہے۔
نائلہ کیانی کا تعلق صوبہ پنجاب میں راولپنڈی شہر کے علاقے گجر خان کے ایک قدامت پسند خاندان سے ہے۔ انھوں نے ایرو اسپیس انجینیئرنگ کی تعلیم برطانیہ سے حاصل کر کے اپنے اس شعبے میں بھی کام کیا۔
Advertisement
الپائن کلب آف پاکستان کے سیکریٹری کرار حیدری کے مطابق نائلہ اور ان کی ٹیم نے کوہ پیمائی کی دنیا میں تاریخ رقم کردی ہے۔
نائلہ کیانی نے نہ صرف گاشر برم ٹو کو فتح کرنے والی پہلی پاکستانی خاتون کوہ پیما ہیں بلکہ وہ ایسی کوہ پیما بھی ہیں جنھوں نے اپنی پہلی مہم میں ہی آٹھ ہزار میٹر کی چوٹی سر کی تھی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
