پاکستان تحریک انصاف (پی ٹی آئی) کے رہنما حماد اظہر کا کہنا ہے کہ پی ڈی ایم مظلومیت کا چورن بیچتے پھر رہی ہے۔

سماجی رابطے کی ویب سائٹ ٹوئٹر پر اپنے جاری کردہ بیان میں سابق وفاقی وزیر حماد اظہرنے کہا کہ عوام نے سیاسی نظام میں مداخلت کر کے سازش کو ناکام بنا دیا، چور دروازے سے اقتدار پر قابض ہونے والوں کو عوام نے اُٹھا کر باہر پھینکا۔

عوام نے سیاسی نظام میں مداخلت کر کے سازش کو ناکام بنا دیا۔ چور دروازے سے اقتدار پہ قابض ہونے والوں کو عوام نے اُٹھا باہر پھینکا۔ پی ڈی ایم نے پہلے ملک کی خودداری بیچی، پھر معیشت تباہ کی اور پھر عوام کو دبانے کے لئے ظلم اور بربریت پہ اتر آئے۔ اب مظلومیت کا چورن بیچتے پھر رہیں ہیں۔

— Hammad Azhar (@Hammad_Azhar) July 24, 2022

حماد اظہر نے مزید کہا کہ پی ڈی ایم نے پہلے ملک کی خودداری بیچی، پھر معیشت تباہ کی اور پھر عوام کو دبانے کے لئے ظلم اور بربریت پر اتر آئے، اب مظلومیت کا چورن بیچتے پھر رہے ہیں۔

 اس سے قبل اسد عمر نے کہا تھا کہ جس طریقے سے قوم عمران خان کی لیڈرشپ میں اپنی آزادی کے لئے کھڑی ہوئی ہے، اس نے بند کمروں کی سازشوں کی سیاست کو ہمیشہ کے لئے ختم کر دیا ہے۔

پاکستان تحریک انصاف کے رہنما نے کہا کہ پریشانی کی ضرورت نہیں یہ ڈوبتے ہوئے نظام کی آخری ہچکیاں ہیں، اب راج کرے گی صرف خلقِ خدا۔