پاکستان تحریک انصاف (پی ٹی آئی) کے رہنما علی زیدی نے کہا ہے کہ پاکستان آج ایک مرتبہ پھر دوراہے پر کھڑا ہے۔

سماجی رابطے کی ویب سائٹ ٹوئٹر پر اپنے جاری کردہ پیغام میں علی زیدی نے کہا کہ پوری قوم کی نظریں سپریم کورٹ پر لگی ہوئی ہیں، نون لیگ اپنے پرانے گھٹیا ہتھکنڈوں پر اتر آئی ہے۔

The biggest looter of Pakistan, Asif Zardari keeps serving as reminder of the filth & poison that has decayed the moral fibre of politics in Pakistan for decades.

Whenever he raises his ugly head, he pushes us back into the filthy politics of deceit, corruption & even murder!

Advertisement

— Ali Haider Zaidi (@AliHZaidiPTI) July 25, 2022

انہوں نے کہا کہ سپریم کورٹ پر باقاعدہ یلغار کر دی گئی ہے، اب کی بار عملی حملہ کرنے کی بجائے میڈیا اور سوشل میڈیا کے ذریعے زبانی یلغار کی گئی ہے۔

سابق وفاقی وزیر کا کہنا ہے کہ کسی بھی مہذب ملک میں شریف ٹولے کے زیادہ تر اراکین جیل میں ہوتے، آصف زرداری اور وزیراعلیٰ سندھ کی سربراہی میں اسکا گینگ کو کئی مرتبہ عمر قید کی سزائیں ہوتیں۔

علی زیدی نے کہا کہ ان کیخلاف شواہد نہایت ٹھوس اور ناقابلِ تردید ہیں، لوگ ان سے نہایت پریشان ہیں جن سے یہ مسلسل جھوٹ بول رہے ہیں۔

Advertisement

People are upset.
They have been constantly lied to. Their belief in the system is at an all time low.
If it was not for @ImranKhanPTI who continues to give them hope, things would have changed for the worse by now.
Take away hope, the reaction will be uncontrollable

— Ali Haider Zaidi (@AliHZaidiPTI) July 25, 2022

پی ٹی آئی رہنما نے کہا کہ ان کا نظام پر اعتماد تاریخ کی نچلی ترین سطح پر ہے، عمران خان کی شکل میں ان کے پاس امید نہ ہوتی تو صورتحال کہیں زیادہ بگڑ چکی ہوتی۔

انہوں نے مزید کہا کہ عوام سے امید چھین لو پھر دیکھو حالات کیا رخ اختیار کرتے ہیں، غم غصے میں ڈھلتا ہے تو تباہی لاتا ہے، جڑواں شہروں میں طاقت کے مراکز کو سمجھنا ہوگا کہ عوام مزید دیوار سے لگایا جانا گوارا نہیں کریں گے۔