حمزہ شہباز ، گورنر پنجاب اور ڈپٹی اسپیکر کے خلاف توہین عدالت کی درخواست دائر

پیسے کی سیاست کو یکسر مسترد کرتا ہوں، آصف علی زرداری

ویب ڈیسک

21st Jul, 2022. 08:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیسے کی سیاست کو یکسر مسترد کرتا ہوں، آصف علی زرداری

سابق صدر آصف علی زرداری نے کہا ہے کہ پیسے کی سیاست کو یکسر مسترد کرتا ہوں۔

تفصیلات کے مطابق سابق صدر آصف علی زرداری سے پیپلز پارٹی کی پارلیمانی پارٹی کے ارکان نے ملاقات کی جس میں ارکان نے آصف علی زرداری سے وزیر اعلیٰ پنجاب کے انتخابات کے حوالے سے تبادلہ خیال کیا۔

ملاقات میں متحدہ اپوزیشن کے امیدوار حمزہ شہباز کو بھر پور سپورٹ کرنے کا اعادہ کیا گیا۔

آصف علی زرداری نے پارلیمانی پارٹی کے ارکان سے گفتگو کرتے ہوئے کہا کہ مسلم لیگ ن کے ساتھ کھڑے ہیں، پیپلز پارٹی، مسلم لیگ ن کی اتحادی ہے اور تمام ذمہ داریوں کو قبول کرتی ہے۔

انہوں نے کہا کہ ذوالفقارعلی بھٹو کا کارکن ہوں، خرید و فروخت کی سیاست پر یقین نہیں رکھتا، وزیر اعلیٰ پنجاب کا امیدوار حسن مرتضیٰ ہوتا تو میں پیسے ضرور لگاتا، حمزہ شہباز کے وزارت اعلیٰ کے امیدوار ہونے پر میں پیسہ کیوں لگاؤں؟

سابق صدر آصف علی زرداری نے کہا کہ ملک اور پنجاب کی سیاسی صورتحال پر مفاہمت کے لیے خود کو پیش کیا ہے، مفاہمت کی سیاست پر یقین رکھتا ہوں اور یہ کرتا رہوں گا۔

انہوں نے کہا کہ میں پہلی دفعہ لاہور نہیں آیا، 3 ماہ پہلے اعلان کیا تھا کہ میں پنجاب میں بیٹھ کر سیاست کروں گا، ابھی تو میں نے پنجاب کی ہر تحصیل میں جانا ہے۔

آصف علی زرداری نے کہا کہ پیسے کی سیاست کو یکسر مسترد کرتا ہوں، مسلم لیگ ن کے ساتھ ڈٹ کر کھڑے ہیں، حمزہ شہباز کو وزیراعلیٰ پنجاب منتخب کروانے کے لیے اپنی پوری کوشش کریں گے۔

سابق صدر آصف علی زرداری نے کہا کہ چوہدری شجاعت حسین کے کہنے پر نواز شریف، شہباز شریف اور مریم نواز کو چوہدری پرویز الہٰی کو وزیر اعلیٰ نامزد کرنے کے لیے آمادہ کیا تھا وہ میرے ساتھ کمٹمنٹ کر کے عمران خان سے جا ملے۔

آصف علی زرداری کی چوہدری شجاعت حسین سے ملاقات

سابق صدر آصف علی زرداری نے چوہدری شجاعت حسین سے ملاقات کی جس میں وفاقی وزیر چوہدری سالک اور رخسانہ بنگش موجود تھیں۔

ذرائع کا کہنا ہے کہ ملاقات کے بعد آصف علی زرداری جاتے ہوئے وکٹری کا نشان بنا رہے تھے۔