پی ڈی ایم نے این آر او کے علاوہ سب چیزوں کا بائیکاٹ کیا ہوا ہے، بابراعوان

ویب ڈیسک

26th Jul, 2022. 11:03 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ڈی ایم نے این آر او کے علاوہ سب چیزوں کا بائیکاٹ کیا ہوا ہے، بابراعوان

پاکستان تحریک انصاف (پی ٹی آئی) کے رہنما بابر اعوان کا کہنا ہے کہ پی ڈی ایم نے این آر او کے علاوہ سب چیزوں کا بائیکاٹ کیا ہوا ہے۔

بابر اعوان نے سپریم کورٹ کے باہر میڈیا سے گفتگو کی اور سوال کیا کہ پی ڈی ایم نے سپریم کورٹ بینچ کا بائیکاٹ کیا ہے اس پر کیا کہیں گے؟

انہوں نے مزید کہا کہ پی ڈی ایم نے معیشت، مسئلہ کشمیر کا بائیکاٹ کیا ہوا ہے، انہوں نے این آر او کے علاوہ سب چیزوں کا بائیکاٹ کیا ہوا ہے۔

واضح رہے کہ گزشتہ روز حکمران اتحاد اور پی ڈی ایم کے قائدین نے فل کورٹ کے مطالبے سے پیچھے نہ ہٹنے پر اتفاق کیا گیاتھا۔

وزیراعظم ہاﺅس میں حکمران اتحاد اور پی ڈی ایم کے قائدین کا اہم مشاورتی اجلاس ہوا جس میں سپریم کورٹ کے ممکنہ فیصلے پر حکومتی اتحاد اور پی ڈی ایم کے بڑوں نے سر جوڑ لئے۔

اجلاس میں آج کی سپریم کورٹ کی کارروائی سے متعلق بریفنگ دی گئی جبکہ سپریم کورٹ کے تین رکنی بینچ کے فیصلے کی روشنی میں مستقبل کی حکمت عملی بھی طے کی گئی۔

اجلاس میں وزیراعظم شہبازشریف، پی ڈی ایم کے سربراہ مولانا فضل الرحمان، پی پی پی کے چئیرمین بلاول بھٹو زرداری ، ایم کیوایم، مسلم لیگ (ق)، اے این پی، باپ، بی این پی سمیت دیگر اتحادی جماعتوں کے قائدین بھی شریک تھے۔