وزیر خارجہ شاہ محمود قریشی کل ایران کے ایک روزہ دورے پر تہران روانہ ہو رہے ہیں۔

 جہاں وہ ایرانی صدر ڈاکٹر حسن روحانی، ایرانی وزیر خارجہ جواد ظریف سمیت اعلی ایرانی قیادت سے ملاقات میں   مشرق وسطی میں جاری   امریکہ ایران کشیدگی   پر بات چیت کریں گے۔

 خیال رہے کہ ان ملاقاتوں میں وزیر خارجہ ایرانی حکام کو مشرق وسطی میں کشیدگی میں کمی،   ایران امریکہ تصادم کے ماحول کو سرس کرنے،  پاکستان کے مصالحانہ کردار کے حوالے سے اعتماد میں لیں گے۔

ایرنی قیادت وزیر خارجہ کو اپنے موقف سے آگاہ کرے گی، وزیر خارجہ ایک دن ایران میں گزار کہ پرسوں 13 جنوری کو سعودی عرب روانہ ہو جائیں گے ، پھر وہاں  سے16 جنوری کو وہ امریکہ جائیں گے۔

واضح رہے کہ  وزیرخارجہ وزیر اعظم عمران خان کی ہدایت پر تینوں ممالک کا دورہ کر رہے ہیں اور ان دوروں کے دوران مشرق وسطی کی موجودہ صورتحال اور پاکستانی موقف سے آگاہ کریں گے۔

اس سے قبل  ترک وزیر خارجہ کا شاہ محمود قریشی سے ٹیلیفونک   رابطہ ہوا جس میں  اپنے حالیہ دورہ عراق کے بعد اپنے تجزیے سے وزیر خارجہ شاہ محمود قریشی  کو آگاہ کیا۔

شاہ محمود قریشی نے مشرق وسطی میں پائی جانے والی کشیدگی میں کمی لانے کیلئے،اپنے آئندہ دورہ ایران ، سعودی عرب اور امریکہ پر ترک ہم منصب کو اعتماد میں لیا۔