پاکستانی میڈیا کی سابق ٹی وی میزبان اور اداکارہ ثنا بُچہ نے کرکٹر شاہد آفریدی کے ساتھ 5 سال پرانی تصویر دوبارہ وائرل ہونے پر ان کے ساتھ شادی کی تردید کی ہے۔

تفصیلات کے مطابق ٹی وی میزبان ثنا بُچہ نے شاہد خان آفریدی کے ساتھ شادی کی افواہوں کی سختی سے تردید کرتے ہوئے کہا کہ انہیں کرکٹر کے ساتھ تصویر نہیں کھنچوانی چاہیئے تھی۔

یاد رہے کہ ثنا بُچہ اور شاہد آفریدی کی تصویر ابتدائی طور پر 5 سال قبل جون 2017 میں وائرل ہوئی تھی، جس پر لوگوں نے اداکارہ سمیت ان کے ساتھ تصویر میں موجود دیگر خواتین پر بھی تنقید کی تھی۔

قومی ٹیم کے سابق کھلاڑی شاہد خان آفریدی اور ثنا بُچہ کی یہ تصویر گزشتہ پانچ سال میں متعدد بار سوشل میڈیا پر وائرل ہوچکی ہیں اور ہر بار تصویر کے ساتھ نئے نئے دعوے کیے جاتے رہے ہیں۔

ابتدائی طور پر شاہد آفریدی اور ثنا بُچہ کی تصویر 2017 میں وائرل ہوئی تھی، جبکہ چند روز قبل بھی یہی تصویر دوبارہ سوشل میڈیا پر نظر آئی اور ساتھ ہی یہ افواہ بھی پھیلائی گئی کہ دونوں نے شادی کر لی ہے۔

اس افواہ پر متعدد یو ٹیوب چینلز اور سوشل میڈیا پیجز نے دعوے کئے مگر ٹی وی کی میزبانی سے کنارہ کش ہونے والی میزبان نے اس پر بات کرتے ہوئے کہا کہ انہیں اس بات پر افسوس ہے کہ 5 سال قبل لالا کے ساتھ تصویر بنوائی۔

سابق میزبان ثنا بُچہ نے ایک ویب سائٹ کو انٹرویو میں اس تصویر کے معاملے پر اظہار خیال کرتے ہوئے کہا کہ یہ تصویر رمضان شریف میں ایک سحری کی دعوت کے دوران اپنی دوستوں کے ہمراہ کرکٹر کے ساتھ بنوائی تھی۔

واضح رہے کہ شاہد خان آفریدی نے سوشل میڈیا پر سحری کی دعوت کے بعد ثنا بُچہ کا شکریہ ادا کرتے ہوئے انہیں بہن کہہ کر مخاطب کیا تھا۔

Thank you sister @sanabucha for the fantastic Suhoor last night,it was a pleasure catching up with the faces of Pak Entertainment Industry pic.twitter.com/AyQxHrJK92

Advertisement

— Shahid Afridi (@SAfridiOfficial) June 11, 2017

ثنا بُچہ کہا کہ کرکٹر کے ساتھ تصویر بنوانا ایک غلطی تھی مگر جو ہو چکا سو چکا، انہوں نے مزید کہا کہ اس موقع پر شاہد آفریدی بھی گھبراہٹ کا شکار تھے۔

ثنا بُچہ نے مذکورہ تصویر کے حوالے سے کہا کہ اس پر بہت باتیں ہو چکی ہیں اور اب دوبارہ اس کو وائرل کر کے ان کی شادی کی افواہیں پھیلانے کی سخت مذمت کرتی ہیں۔

سابق میزبان نے انٹرویو میں بتایا کہ ان کی اپنے شوہر کے ساتھ طلاق ہو چکی ہے اور مجھے اپنے سابق شوہر کا نام اور چہرہ بھی یاد نہیں ہے۔

اداکارہ ثنا بُچہ نے کہا کہ وہ اپنے شوہر کو بھول کر آگے بڑھ چکی ہیں اور اب دوسری شادی کا کوئی امکان نہیں ہے۔

ان کے مطابق ان کے والد انہیں مذاق میں کہتے ہیں کہ ایسا شخص بنا ہی نہیں جو ان کے ساتھ شادی کر سکے۔

سابق ٹی وی میزبان و اداکارہ نے دوران انٹرویو مذاق میں کہا کہ وہ دوسری شادی کے لیے تیار ہیں مگر دوسرا شخص نہیں مل رہا ہے اور اگر کوئی خواہش مند ہے تو وہ مجھ سے رابطہ کرے۔

ساتھ ہی انہوں نے کہا کہ جو شخص ان سے شادی کرنے کا خواہش مند ہے، وہ ان سے رابطہ کرے۔

ثنا بُچہ نے ازراہ مذاق واضح کیا کہ ان سے شادی کی خواہش رکھنے والا شخص لمبے قد کا ہونا چاہیے۔