پاکستان تحریک انصاف (پی ٹی آئی) کے رہنما شیخ رشید کا کہنا ہے کہ دکانداروں پر اضافی ٹیکس اور بجلی کا شارٹ فال مزید معاشی تباہی لائے گا۔

سماجی رابطے کی ویب سائٹ ٹوئٹر پر اپنے جاری کردہ بیان میں شیخ رشید نے کہا کہ اسٹیٹ بینک کا گورنر لگا نہیں سکے، 30لگثری اشیاء پر پابندی ختم ہوگئی۔

اسٹیٹ بینک کا گورنر لگا نہیں سکے۔30لگثری اشیاء پر پابندی ختم۔S&P کا کریڈٹ منفی۔IMFنے ابھی تک بیل آؤٹ نہیں کیا۔ق لیگ کا نیا صدر اپنے 2 وزراء کو واپس بلائے گا۔BAP والوں نے بستر باندھ لیا ہے۔6ہزار میگاواٹ بجلی کا شارٹ فال اور6 ہزار کا دکانداروں پر اضافی ٹیکس مزید معاشی تباہی لائے گا

— Sheikh Rashid Ahmed (@ShkhRasheed) July 29, 2022

پی ٹی آئی رہنما نے کہا کہ آئی ایم ایف نے ابھی تک بیل آؤٹ نہیں کیا، ق لیگ کا نیا صدر اپنے 2 وزراء کو واپس بلائے گا، بی اے پی والوں نے بستر باندھ لیا ہے۔

شیخ رشید نے مزید کہا کہ 6 ہزار میگاواٹ بجلی کا شارٹ فال اور 6 ہزار کا دکانداروں پر اضافی ٹیکس مزید معاشی تباہی لائے گا۔

واضح رہے کہ اگلے 72 گھنٹوں میں عوام کے لیے پیٹرولیم  مصنوعات سے متعلق بری خبر آنے کا امکان ہے۔

ذرائع کے مطابق ڈالر کی قیمتوں میں اضافے اور روپے کی قدر میں کمی کے باعث پیٹرولیم مصنوعات کی قیمتوں میں اضافے کا امکان پیدا ہوگیا ہے۔

ذرائع کا کہنا ہے کہ حکومت کو آئی ایم ایف کی شرائط کے تحت لیوی بڑھانا ہے۔ سابقہ حکومت کی جانب سے لیوی اور ٹیکس صفر کیے گئے تھے۔

ذرائع کا مزید کہنا ہے کہ ڈالر کی قیمت میں مسلسل اضافے سے بھی پیٹرولیم مصنوعات کے امپورٹ بل پر اثر پڑا ہے جبکہ حکومت نے بجٹ میں لیوی کی حد بھی بڑھا دی ہے۔