الیکشن کمیشن فارن فنڈنگ کیس کا فیصلہ سنا کر فتنے کا خاتمہ کرے، حسن مرتضیٰ

ویب ڈیسک

29th Jul, 2022. 03:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن کمیشن فارن فنڈنگ کیس کا فیصلہ سنا کر فتنے کا خاتمہ کرے، حسن مرتضیٰ

پارلیمانی لیڈر و جنرل سیکرٹری پیپلزپارٹی وسطی پنجاب سید حسن مرتضیٰ نے کہا ہے کہ الیکشن کمیشن فی الفور فارن فنڈنگ کیس کا فیصلہ سنا کر فتنے کا خاتمہ کرے۔

تفصیلات کے مطابق پارلیمانی لیڈر و جنرل سیکرٹری پیپلزپارٹی وسطی پنجاب سید حسن مرتضیٰ نے اپنے بیان میں کہا ہے کہ عمران نیازی نے خیراتی پیسے سے سیاسی جوا کھیلا، ٹی ٹونٹی میچز پر جوا کھیل کر تحریک انصاف کو فنڈنگ کی گئی۔

انہوں نے کہا کہ برطانیہ میں ٹی ٹوئنٹی میچز سے حاصل کی جانے والی رقم پی ٹی آئی کو منتقل کی گئی، تحریک انصاف کو تحریک ابراج کی جانب سے فنڈنگ کی تصدیق خود عمران نیازی نے کی۔

حسن مرتضیٰ نے کہا کہ اقتدار حاصل کرکے عمران نیازی نے ملکی معیشت پر بھی جوا کھیل دیا، فارن فنڈنگ حاصل کرکے پاکستان کے اداروں پر دشنام طرازی کی گئی، آج بھی تحریک انصاف کو غیر ملکی فنڈنگ جاری ہے۔

پارلیمانی لیڈر و جنرل سیکرٹری پیپلزپارٹی وسطی پنجاب نے کہا کہ الیکشن کمیشن فی الفور فارن فنڈنگ کیس کا فیصلہ سنا کر فتنے کا خاتمہ کرے۔