پاکستان کرکٹ ٹیم کے ٹی ٹوئنٹی کی عالمی رینکنگ میں ایک درجہ ترقی کا امکان ہے۔

تفصیلات کے مطابق سابق عالمی نمبرون پاکستان کرکٹ ٹیم موجودہ وقت میں آئی سی سی ٹی ٹوئنٹی رینکنگ میں تیسرے درجے پر موجود ہے تاہم اُس کے ایک درجہ ترقی کا امکان پیدا ہوگیا ہے۔

ٹی ٹوئنٹی ٹیم کی عالمی درجہ بندی میں انگلینڈ کی ٹیم نمبر دو پر موجود ہے، اور اس وقت جنوبی افریقہ کے ساتھ ہوم سیریز میں نبرد آزما ہے۔

رپورٹس کے مطابق انگلینڈ کی ٹیم کو جنوبی افریقہ کے خلاف دوسرے ٹی ٹوئنٹی میں شکست کا سامنا کرنا پڑا تھا، اگر انگلش ٹیم سیریز کے تیسرے اور آخری میچ بھی شکست سے دوچار ہوئی تو اس کی ایک درجہ تنزلی ہو جائے گی۔

انگلینڈ کی شکست کے بعد پاکستان اور انگلینڈ کے پوائنٹس برابر ہوجائیں گے لیکن اعشاریاتی فرق کی وجہ سے انگلینڈ کی ٹیم کو ایک درجہ نیچے جانا پڑے گا، جس کا فائدہ پاکستان ٹیم کو ہو گا۔

واضح رہے کہ انگلینڈ اورسائوتھ افریقہ کے درمیان ٹی ٹوئنٹی سیریزکا تیسرا اور آخری میچ 31 جولائی بروز اتوار کو کھیلا جائے گا جس سے قبل سیریز ایک ،ایک سے برابرہوچکی ہے۔

پوائنٹس ٹیبل پر انگلینڈ کی ٹیم 8497 پوائنٹس کے ساتھ دوسرے نمبر پر ہے، جبکہ پاکستان 7826 پوائنٹس کے ساتھ دوسرے نمبر ہے۔