دریائے ستلج پر بنایا گیا حفاظتی بند ٹوٹ گیا، درجنوں فصلیں تباہ

ویب ڈیسک

30th Jul, 2022. 10:05 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دریائے ستلج پر بنایا گیا حفاظتی بند ٹوٹ گیا، درجنوں فصلیں تباہ

دریائے ستلج پر بنایا گیا حفاظتی بند ٹوٹ گیا ہے۔

تفصیلات کے مطابق دریائے ستلج پر بنایا گیا حفاظتی بند ٹوٹ گیا، 10 روز گزرنے کے بعد بھی انتظامیہ اقدامات کرنے میں ناکام ہے۔

علاقہ مکینوں کا کہنا ہے کہ ہم نے اپنی مدد آپ کے تحت بند باندھنا شروع کردیا ہے جبکہ ٹریکٹر اور لوگوں کی بڑی تعداد بند باندھنے میں مصروف ہے۔

علاقہ مکینوں نے بتایا کہ ضلعی و تحصیل انتظامیہ بروقت اقدامات کرتی تو اتنا بڑا نقصان نہ ہوتا۔

علاقہ مکین کا مزید کہنا تھا کہ حفاظتی بند ٹوٹنے سے درجنوں چھوٹی بڑی آبادیاں اور ہزاروں ایکڑ پر کھڑی فصلیں تباہ ہوگئیں ہیں۔

دوسری جانب حالیہ مون سون بارشوں کے باعث کراچی کو پانی سپلائی کرنے والا حب ڈیم بھی اوور فلو ہوگیا ہے۔

حب ڈیم کے اسپل وے سے پانی کا اخراج شروع ہوگیا اور پانی حب ندی میں جانا شروع ہوگیا،اس حوالے سے جی ایم واپڈا عامر مغل نے بتایا کہ حب ڈیم مکمل 339 فٹ بھرگیا ہے، ڈیم کا اضافی پانی حب ندی کے راستے سمندر میں گررہا ہے۔۔

عامر مغل کا کہنا تھا کہ حب ڈیم میں تین سال کا پانی ذخیرہ بھر چکا ہے، ندی میں مزید پانی روکنے کیلیے منصوبہ بنایا جا سکتا ہے۔

واپڈا ذرائع کے مطابق حب ندی کے کنارے آباد لوگوں کو محفوظ مقامات پر منتقل کیا جا رہا ہے۔