سام سنگ ہمیشہ ہی صارفین کے لئے اپنی مصنوعات کو بہتر سے بہترین کی بنانے کی جدوجہد میں لگے رہتا ہے یہی وجہ ہے کہ بات چاہے موبائل کے نئے فیچر کی ہو یا ڈیٹا کی حفاظت کی یہ نئی ٹیکنالوجی متعارف کرواتا رہتا ہے تاکہ موبائل کو صارفین کے لئے اور بھی زیادہ باسہولت بنایا جاسکے۔

اسی روایت کو برقرار رکھتے ہوئے سام سنگ نے آپ کے موبائل ڈیٹا کو محفوظ بنانے کے لئے ایک نئی ٹیکنالوجی وضع کی ہے۔ جسے وہ اپنے نئے موبائل فونز میں جلد متعارف کروائے گا۔ چونکہ موبائل کثرت سے استعمال کیا جاتا ہے اسی مناسبت سے یہ خراب بھی زیادہ ہوتا ہے۔

تاہم ایک بہت ہی دلچسپ پیش رفت میں سام سنگ نے یہ کہا ہے کہ اگر آپ کسی سروس سینٹر یا دکان پر اپنا فون مرمت ہونے کے لئے دیتے ہیں تو ہر طرح کے اکاؤنٹس جن میں بینک ہو یا سوشل میڈیا اکاؤنٹس، تصاویرہوں یا ویڈیوزاور دیگر بہت سے حساس نوعیت کی معلومات اور دستاویزات وہ غیر محفوظ ہاتھوں میں جاسکتی ہیں جہاں سے ان کی کاپی تیار کر کے کسی بھی طرح کے نقصان کا باعث بن سکتی ہے تو اس قیمتی ڈیٹا کو محفوظ بنانے کے لئے اب سام سنگ نے  ایک بہت دلچسپ آپشن پیش کیا ہے جسے ریپئر موڈ کانام دیا گیا ہے۔

 سام سنگ نے اس کے استعمال کا طریقہ بھی بہت سہل بنایا اس کے لئے آپ کو ڈیوائس کیئر اسکرین اور بیٹری کی سیٹنگ میں جاکر ریپئرموڈ تک رسائی حاصل کرنی ہے اسے فعال کرنا اور اس طرح فون ریبوٹ ہو جائے گا۔ جیسے ہی فون رپیئر موڈ میں جاکر ربوٹ ہوگا، یعنی کہ واپس ری انسٹال ہوکراور ایک طرح سے ریپئر ہوگا تو تصاویر، پیغامات ، ہرطرح کے اکاؤنٹس کی تفصیلات چاہے وہ سوشل میڈیا کے اکاؤنٹس،  ای میلز، ایپس یا آپ کے کاروباری اور بینک کے ہوں وہ سب کے سب غائب ہوجائیں گے ان تک رسائی بلکل بھی ممکن نہیں ہو سکے گی۔

اس طرح جب آپ کا موبائل کو صحیح ہونے کے لئے کسی دکان پر دیتے ہیں تو آپ کا ڈیٹا محفوظ رہتا ہے اور جیسے ہی دکان سے آپ کا فون بن کر آجاتا ہے تو آپ پیٹرن لاک یا فنگر پرنٹ کے ذریعے اسے کھول کر دوبارہ ریپئرموڈ کو غیرفعال کرنا ہوگا اس طرح یہ فون کو ایک بارپھر ریبوٹ کر دیگا۔ جیسے ہی آپ ریبوٹ کریں گے تو آپ  کا ڈیٹا آپ کے موبائل  میں ویسے ہی ظاہر ہوجائے گا جیسے فون کی مرمت کرنے سے پہلے تھا۔

کہا یہ جارہا ہے کہ سب سے پہلے اسے گیلیکسی ایس 21 سیریزسافٹ ویئراپ ڈیٹ کے ذریعے پیش کیا جائے گا، اور مستقبل میں مزید چند ماڈلز میں بھی اہم فیچر کے پیش کیے جانے کا مکان ہے۔

واضح رہے کہ سام سنگ نے اپنی اس کاوش کی پریس ریلیز سب سے پہلے کورین ویب سائٹ پر پوسٹ کی ہے جس کا مطلب یہ ہے کہ یہ سہولت پہلے مرحلے میں سام سنگ کے ہوم ٹیرف کو فراہم کی جائے گی۔