جنوبی افریقہ نے انگلینڈ کو شکست دے کر ٹی ٹوئنٹی سیریز اپنے نام کرلی

ویب ڈیسک

01st Aug, 2022. 03:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جنوبی افریقہ نے انگلینڈ کو شکست دے کر ٹی ٹوئنٹی سیریز اپنے نام کرلی

جنوبی افریقہ نے تیسرے ٹی ٹوئنٹی میں انگلینڈ کو 90 رنز سے شکست دے کر سیریز 1-2 سے اپنے نام کرلی۔

ساؤتھیمپٹن کے میدان میں میزبان انگلینڈ نے ٹاس جیت کر جنوبی افریقہ کو پہلے بیٹنگ کرنے کی دعوت دی ۔

جنوبی افریقہ نے مقررہ 20 اوورز میں ریزا ہینڈرکس(70) اور ایڈن مارکرام (51 ناٹ آؤٹ) کی نصف سنچریز کی بدولت 5 وکٹوں کے نقصان پر 191 رنز بنائے۔

ریلی روسو 31 ، کپتان ڈیوڈ ملر 22، ٹرسٹان اسٹبس 8 اور کوئنٹن ڈی کوک بغیر کوئی رن بنائے آؤٹ ہوئے۔

انگلینڈ کی جانب سے ڈیوڈ ویلی نے 3 جبکہ کرس جورڈن اور معین علی نے ایک ایک وکٹ حاصل کی۔

ہدف کے تعاقب میں انگلینڈ کی ٹیم 17ویں اوور میں 101 رنز بناکر آل آؤٹ ہوگئی۔

South Africa seal series victory with a massive win in Southampton 👏#ENGvSA | 📝 Scorecard: https://t.co/mRmNVP0vym pic.twitter.com/MvY8pzNdKn
— ICC (@ICC) July 31, 2022

جونی بیئر اسٹو 27، جیسن روئے 17 جبکہ کپتان جوز بٹلر اور کرس جورڈن 14،14 رنز بناکر آؤٹ ہوئے۔ ان کے علاوہ دیگر کوئی کھلاڑی ڈبل فیگرز میں داخل نہ ہوسکا۔

جنوبی افریقہ کی جانب سے تبریز شمسی نے 5 ، کیشو مہاراج نے 2 جبکہ ایڈن مارکرام، ایندائل فیلکوایو اور اینرچ نورکیا نے ایک ایک وکٹ حاصل کی۔

تبریز شمسی کو 5 وکٹیں حاصل کرنے پر میچ کا بہترین کھلاڑی قرار دیا گیا جبکہ ریزا ہینڈرکس کو سیریز کے بہترین کھلاڑی قرار پائے۔