این ایچ اے کے فیلڈ افسران ہر قسم کی ہنگامی صورتحال سے نمٹنے کیلئے الرٹ رہیں، اسعد محمود

ویب ڈیسک

01st Aug, 2022. 06:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

این ایچ اے کے فیلڈ افسران ہر قسم کی ہنگامی صورتحال سے نمٹنے کیلئے الرٹ رہیں، اسعد محمود

وفاقی وزیر مواصلات مولانا اسعد محمود نے کہا ہے کہ این ایچ اے کے فیلڈ افسران ہر قسم کی ہنگامی صورتحال سے نمٹنے کیلئے الرٹ رہیں۔

تفصیلات کے مطابق اسعد محمود کی زیر صدارت 38 ویں نیشنل ہائی وے کونسل کا اجلاس منعقد ہوا جس میں بڑے فیصلے کیے گئے۔

اجلاس میں نیشنل کونسل کے اجلاس میں قواعد و ضوابط کے مطابق اہلیت رکھنے والے ملازمین کو ریگولر کرنے اور ملازمین کو اعلیٰ عدلیہ کے فیصلے کی روشنی میں ریگولر کرنے کی منظوری دی گئی۔

ترجمان این ایچ اے کا کہنا تھا کہ ملازمین کو اعلیٰ عدلیہ کے فیصلے کی روشنی میں ریگولر کرنے کی منظوری دی گئی، این ایچ اے ایمرجنسی کی صورتحال میں اپنی مشینری اور وسائل سے صوبوں کی معاونت کرنے کی مجاز ہو گی۔

وفاقی وزیر مواصلات مولانا اسعد محمود نے ملک بھر میں سیلاب کے دوران این ایچ اے کی کارکردگی کو سراہا۔

مولانا اسعد محمود نے اس موقعے پر سیلاب کے باعث متاثر ہونے والی قومی شاہراہوں کو جلد فعال کرنے کی ہدایت دیتے ہوئے کہا کہ چیئرمین این ایچ کیپٹن (ر) محمد خرم آغا سمیت پورے عملے نے بہترین کام کیا، این ایچ اے کے فیلڈ آفسران ہر قسم کی ہنگامی صورتحال سے نمٹنے کیلئے الرٹ رہیں۔