ہالی وڈ اداکارہ جینیفر لوپیز کے پہلے شوہر نے اپنی سابقہ اہلیہ کی چوتھی شادی کے حوالےسے اہم انکشاف کردیا۔

 غیر ملکی خبررساں ادارے کے مطابق اداکارہ جینیفر لوپیز کے سابق شوہر اوجانی نوا نے کہا کہ وہ نہیں سمجھتے جینیفر کی بین ایفلک سے شادی زیادہ عرصے چل پائے گی۔

اوجانی نے کہا کہ میں جینیفر اور بین کے لیے نیک خواہشات رکھتا ہوں لیکن میں نہیں سمجھتا کہ ان کا رشتہ زیادہ عرصے برقرار رہے گا۔

یاد رہے کہ جینیفر لوپیز اور بین ایفلک نے پچھلے مہینے شادی کی ہے۔

ڈیلی میل کو انٹرویو دیتے ہوئے اوجانی نوا نے بتایا کہ ہماری شادی کی رات بھی جینیفر لوپیز نے مجھے کہا تھا کہ ہم ہمیشہ ساتھ رہیں گے۔

اوجانی نوا نے جینیفر کی شادیوں کے حوالے سے کہا کہ میرے خیال سے جینیفر سات سے آٹھ شادیاں کریں گی۔

ان کا کہنا تھا کہ جینیفر کسی ایک شخص کے ساتھ نہیں رہ سکتیں، وہ اپنی پیشہ ورانہ زندگی میں مستقل ترقی کر رہی ہیں۔

انہوں نے  مزید کہا کہ یہ سچ ہے کہ ان کا کیریئر تین دہائیوں پر محیط ہے لیکن وہ اپنی نجی زندگی میں کسی ایک شخص کے ساتھ عمر بھر نہیں رہ سکتیں۔

یاد رہے کہ جینیفر لوپیز کی تین شادیاں پہلے بھی ہوچکی ہیں۔

واضح رہے کہ 1997 سے 1998 تک وہ اوجان نوا کی اہلیہ رہیں، کرس جوڈ سے جینیفر کی شادی 2001 سے 2003 تک چل سکی، بعد ازاں گلوکار مارک انتھونی سے رشتہ 10 سال تک قائم رہا۔