آئندہ 24 گھنٹوں کے دوران ملک کے بیشتر علاقوں میں موسم گرم اور مرطوب رہنے کا امکان ہے۔

اس حوالے سے محکمہ موسمیات کا کہنا ہے کہ آج ملک کے بیشتر علاقوں میں موسم گرم اور  مرطوب رہے گا جبکہ کشمیر، بالائی پنجاب، بالائی خیبرپختونخوا، گلگت بلتستان اورشمال مشرقی  بلوچستان میں چند مقامات پرتیز ہواؤں اور گرج چمک کے ساتھ بارش کا امکان ہے۔

محکمہ موسمیات نے بتایا کہ آج اسلام آباد میں دن کے دوران موسم گرم اورمرطوب رہےگا جبکہ رات کے دوران تیز ہواؤں اورگرج چمک کے ساتھ بارش ہو سکتی ہے۔

صوبہ پنجاب کے بیشتر اضلاع میں موسم گرم اور  مرطوب رہنے کے علاوہ  خطہ پوٹھوہار، گوجرانوالہ، لاہور،سا ہیوال، اوکا ڑہ، سیالکوٹ، نارووال اورمنڈی بہاؤالدین میں  تیز ہواؤں اورگرج چمک کے ساتھ بارش کا امکان ہے۔

صوبہ بلوچستان کے بیشتر اضلاع میں موسم گرم اور مرطوب رہنے کے علاوہ خضدار،بو لان، کو ہلو، قلات، لسبیلہ، زیارت،بارکھان اور اس سے ملحقہ علاقوں میں  تیز ہواؤں اور گرج چمک کے ساتھ  بارش  ہو سکتی ہے۔

صوبہ خیبرپختونخوا کے بیشتر اضلاع میں مطلع جز وی ابر آلود رہنے کے علاوہ  دیر، چترال، سوات، مانسہرہ، مردان، کوہاٹ،بنوں ،مالا کنڈ، خیبراورکرم میں تیز ہواؤں اورگرج چمک کے ساتھ بارش کا امکان ۔محکمہ موسمیات

گلگت بلتستان میں مطلع ابرآلود رہنے کے علاوہ  تیز ہواؤں اور گرج چمک کے ساتھ  بارش  کا امکان ہے جبکہ صوبہ سندھ کے بیشتر اضلاع میں موسم گرم اور  مرطوب رہے گا۔