وفاقی تحقیقاتی ادارے نے فارن فنڈنگ کیس کی کریمنل تحقیقات سے معذوری ظاہر کردی۔
ایف آئی اے ذرائع کے مطابق حکومتی وزراء کی ٹیم رات دو بجے تک ایف آئی اے حکام کو فارن فنڈنگ کیس کی کریمنل تحقیقات کے لیے منانے کی کوشش کرتی رہی ۔
ایف آئی اے حکام نے حکومتی وزراء سے استفسار کیا کہ ہم کیسے ثابت کریں گے کہ عمران خان نے جو غیر ملکی فنڈنگ لی وہ ریاست مخالف سرگرمیوں میں استعمال ہوئی۔
ایف آئی اے حکام نے کہا کہ یہ کریمنل کیس کیسے بنائیں، کیسے ثابت ہوگا کہ غیر ملکی افراد کا پیسہ دہشت گردی میں استعمال ہوا۔
حکام کا کہنا تھا کہ ہم قانونی و آئینی نکات میں نہیں پڑنا چاہتے۔ ہم صرف ریکارڈ کی روشنی میں فنڈنگ کے بارے میں انکوائری کرسکتے ہیں۔
Advertisement
حکومت کا ایف آئی اے پر مسلسل دباؤ ہے کہ وہ کیس کی کریمنل تحقیقات کرے اور اس کے لیے حکومت نے چند دن قبل ہی نیا ڈی جی ایف آئی اے تعینات کیا ہے۔
واضح رہے کہ الیکشن کمیشن کی جانب سے فارن فنڈنگ کیس کے فیصلے میں کہا گیا تھا کہ تحریک انصاف نے ممنوعہ فنڈنگ حاصل کی ہے۔
فیصلے میں ای سی پی نے پاکستان تحریک انصاف کو شوکاز نوٹس جاری کرتے ہوئے کہا تھا کہ عمران خان نے جھوٹا بیان حلفی الیکشن کمیشن میں جمع کرایا جبکہ پی ٹی آئی نے پولیٹیکل پارٹیز آرڈر کی بھی خلاف ورزی کی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
