طبی ماہرین نے ایک دلچسپ بات کی ہے کے کھنچاؤ(اسٹریچنگ) والی ورزشیں عین باقاعدہ ورزش کی طرح اہم ہوتی ہیں اور ان ایئروبک ورزش جیسے فوائد حاصل ہوسکتے ہیں۔

دوسری جانب عمررسیدہ افراد اسٹریچنگ کو اپنا کر دماغی انحطاط کو کم کرتے ہوئے بدن اور دماغ کو جوان رکھ سکتے ہیں۔ اس کے علاوہ توازن رکھنے کی مشقیں اور یوگا جیسی حرکتی ورزشیں بھی عین ایئروبک ورزش جتنی اہم ثابت ہوسکتی ہیں۔

دو اگست کو الزائیمر ایسوسی ایشن کے تحت منعقدہ کانفرنس میں بتایا گیا کہ بعض عمررسیدہ افراد پراس ضمن میں ایک اہم مطالعہ کیا گیاہے۔

اس مطالعے میں 296 ایسے بزرگوں کو شامل کیا گیا جو درمیانے درجے کے اکتسابی زوال کے شکار تھے جسے انگریزی میں مائلڈ کوگنیٹوو امپیئرمنٹ‘ (ایم سی آئی) کہتے ہیں۔ یہ کیفیت جلد یا بدیر ڈیمنشیا یا الزائیمر کی وجہ بن سکتی ہیں۔

ان میں سے نصف افراد کو ایئروبک ورزشیں کرائی گئیں جبکہ بقیہ افراد کو اسٹریچنگ، موشن اور بیلنس یا توازن کی ورزشیں کرائی گئیں۔ تمام شرکا نے ہفتے میں کل دو سے تین مرتبہ یہ ورزشیں کرائیں اور ان کے دماغی اسکین لیے گئے۔

جب تنائج سامنے آئے تو اسٹریچنگ اور بیلنس کے فوائد عین اسی طرح کے تھے جو پیراکی یا تیزقدمی سے یا جاگنگ سے حاصل ہوتے ہیں۔ اس لیے مصروفیت کے وقت میں گھر بیٹھے اسٹریچنگ کے فوائد حاصل کئے جاسکتے ہیں۔