چئیرمین متحدہ علماء بورڈ پنجاب اور نمائندہ خصوصی برائے وزیراعظم پاکستان حافظ محمد طاہر محمود اشرفی نے کہا ہے کہ ملک کو بہتر انداز میں دنیا کے سامنے رکھا جانا چاہئیے۔

گرینڈ بال روم پی سی ہوٹل لاہور میں پیغام حج و عمرہ سیمینار  سے خطاب کرتے ہوئے اور نمائندہ خصوصی برائے وزیراعظم پاکستان حافظ محمد طاہر محمود اشرفی کا کہنا تھا کہ سوات میں بھی بہت خوبصورتی ہے اس طرح کے خوبصورت مقامات کو دنیا کے سامنے ٹورازم کےلئے پیش کرنا ہوگا۔

 طاہر محمود اشرفی نے کہا کہ ملک کو بہتر انداز میں دنیا کے سامنے رکھا جانا چاہئیے جیسے سعودی عرب نے کورونا میں بھی بہترین اقدامات کیے تبھی اس سال دس لاکھ لوگوں جو حج کی ادائیگی پر سعودی حکومت کا شکریہ ادا کرتاہوں۔

انہوں نے کہا کہ کبھی ہم کسی کے پاس جاتے ہیں کہ مدد کردیں تو کبھی کسی کے پاس جاتے ہیں کہ معیشت کو بہتر کریں لیکن اگر ملک کا امن و استحکام بحال ہوجائے تو کسی سے مدد مانگے کی ضرورت نہیں پڑے گی۔

طاہر محمود اشرفی نے کہا کہ پاکستان کا خوبصورت چہرہ دنیا کی سامنے لانا ہوگا لیکن اس وقت ملک میں دوہزار آٹھ والی معاشی صورتحال ہے اس پر سب پریشان ہیں۔

انہوں نے کہا کہ ہمیں اپنے اوپر اعتماد کرنا ہوگا لوگوں کے ساتھ تعاون کو بڑھانا ہوگا، ہمیں بطور سیاسی لیڈران یا مذہبی لیڈر کے طورپر نہیں بلکہ ایک قوم بن کر سوچنا ہوگا ۔

 طاہر محمود اشرفی کا مزید کہنا تھا کہ سیلاب کی صورتحال پر دل خون کے آنسو رو رہا ہے کوئی ان کا نہیں سوچ رہے، صرف فوج و نجی ادارے ہی بلوچستان میں لوگوں کی مدد کر رہے ہیں۔