کمانڈر عراقی بحریہ کی سربراہ پاک بحریہ سے ملاقات، دوطرفہ بحری تعاون پر تبادلہ خیال

ویب ڈیسک

10th Aug, 2022. 02:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

کمانڈر عراقی بحریہ کی سربراہ پاک بحریہ سے ملاقات، دوطرفہ بحری تعاون پر تبادلہ خیال
پاکستان اور ملائیشیا میں تجارتی و اقتصادی تعاون بڑھانے کی بے پناہ صلاحیت موجود ہے، وزیراعظم
سندھ حکومت کا اہم اقدام: ایس ٹی آر پالیسی پر شکایات کے ازالے کے لیے کمیٹی قائم
پنجاب اور سندھ میں سیاسی محاذ آرائی، صدر زرداری متحرک، وزیر داخلہ طلب

Now Reading:

کمانڈر عراقی بحریہ کی سربراہ پاک بحریہ سے ملاقات، دوطرفہ بحری تعاون پر تبادلہ خیال

کمانڈر عراقی بحریہ کی سربراہ پاک بحریہ سے ملاقات ہوئی ہے جس دوران دو طرفہ بحری تعاون پر تبادلہ خیال کیا گیا ہے۔

ترجمان پاک بحریہ کے مطابق کمانڈر عراقی بحریہ لیفٹیننٹ جنرل احمد جاسم معارج عبداللہ الزید کا نیول ہیڈکوارٹرز اسلام آباد کا دورہ کیا ہے۔

ترجمان نے بتایا کہ نیول ہیڈکوارٹرز آمد پر سربراہ پاک بحریہ ایڈمرل محمد امجد خان نیازی نے معزز مہمان کا استقبال کیا۔

پاک بحریہ کے ترجمان کا کہنا تھا کہ کمانڈر عراقی بحریہ کو روائتی انداز میں گارڈ آف آنر پیش کیا گیا اور ان کا پرنسپل اسٹاف آفیسرز سے تعارف کرایا گیا۔

ترجمان کے مطابق دونوں ممالک کی بحری افواج کے سربراہان نے ملاقات کے دوران باہمی دلچسپی کے امور اور دو طرفہ بحری تعاون پر تبادلہ خیال کیا۔

ترجمان نے بتایا کہ معزز مہمان کو پاک بحریہ کی ذمہ داریوں اور استعدادکار کے حوالے سے بریفنگ دی گئی جبکہ کمانڈر عراقی بحریہ نے خطے میں میری ٹائم سیکیورٹی کے حوالے سے پاک بحریہ کی کاوشوں کو سراہا۔

ترجمان کا کہنا تھا کہ کمانڈرعراقی بحریہ کے دورے سے دونوں ممالک کے مابین دوطرفہ تعلقات کو مزید فروغ ملے گا۔