بالی وڈ اداکارہ کرشمہ کپور کی میک اپ کے بغیر سیلفی نے مداحوں کو حیران کردیا۔

اداکارہ کرشمہ کپور نے فوٹو اینڈ ویڈیو شئیرنگ ایپ انسٹا گرام پر اپنی بغیر میک اپ کی ایک تصویر شیئر کی ہے۔

اداکارہ نے انسٹاگرام پر پوسٹ کی جانے والی تصویر کے کیپشن میں لکھا کہ موڈ قدرتی ہے، یعنی جیسی ہوں ویسی تصویر میں نظر آرہی ہوں۔

انسٹاگرام پر اداکارہ کی جانب سے پوسٹ کی جانے والی تصویر کے کیپشن  میں ایک صارف نے فلم کے گانےکے بول ’بھولی سی صورت‘ بطور تعریف لکھ دیے۔

بھارتی ریئلیٹی شو کی اداکارہ شیبانی ڈانڈیکر نے تصویر پر تبصرے کے لیے لفظ خوبصورتی کا استعمال کیا تو کرشمہ کے ایک مداح نے لکھا ’او میرے خدا، یہ 48 سال کی ہے۔ بہت ہی خوبصورت‘۔

ایک اور مداح نے کرشمہ کی تعریف کے لیے’قدرتی خوبصورتی‘ اور ’خوبصورتی جو وقت سے ماورا‘جیسے الفاظ استعمال کیے۔

یاد رہے کہ کرشمہ کپور جو رندھیر کپور کی بڑی صاحبزادی ہیں، نے 1991 میں فلم پریم قیدی سے بالی ووڈ میں قدم رکھا، اگلے برس اُنہوں نے فلم نشچے میں سلمان خان کے ساتھ کام کیا۔

ان کی ہٹ فلموں میں جگر، اناڑی، راجا بابو، کلی نمبر1، ساجن چلے سسرال، جیت، راجا ہندوستانی شامل ہیں، انہوں نے کئی ایوارڈز بھی اس دوران اپنے نام کیے۔

واضح رہے کہ بھارت کی مشہور شوبز فیملی کپور خاندان سے تعلق رکھنے والی کرشمہ کپور 90 اور اُس کے بعد کی دہائی میں کامیاب اداکارہ رہیں۔